تەندروستى سلێمانى لەبارەى داخستنى ناوەندەکانى خوێندن رونکردنەوە دەدات

لڤین:

بەرێوەبەرى گشتى تەندروستى سلێمانى، وەرگرتنى ڤاکسین تاکە چاسەرى خۆپارێزى لە توشبون بە کۆرۆنا، ئاسانکاریش بۆ هاوڵاتیان دەکرێت لە وەرگرتنى ڤاکسیندا. 

د. سەباح هەورامى بەرێوەبەرى گشتى تەندروستى سلێمانى  رایگەیاند،” ئەگەرەكانی داخستنی ناوەندەكانی خوێندن زۆر لاوازە، كوتانی ئیجباری تاكە چارەسەرە بۆ ئەوەی پرۆسەی پەروەردە لەمساڵدا توشی گرفت نەبێت، پێویستە پەروەردەی گشتیی سلێمانی و دامودەزگاكانی دیكەی حكومەتی هەرێم مامۆستایان و فەرمانبەرانی خۆیان ئیجبار بكەن  تا خۆیان بكوتن، كە ئەوە تاكە چارەسەرە”.

سەبارەت بە  وەرگرتنى ڤاکسین، بەرێوەبەرى گشتى تەندروستى سلێمانى رونیکردوەتەوە،” پێشتر ئەگەر هاوڵاتی خوازیاری وەرگرتنی ڤاكسینی هەبوایە دەبوو ناوی خۆی تۆمار بكات تا ناوەكەی دەهاتەوە چەند ڕۆژێكی زۆری پێدەچوو، ئێستا بەس تەنها لەسەر بڕیاردانی هاوڵاتی وەستاوە، ئەگەر بڕیار بدات خۆی بكوتێت تەنها یەك كاتژمێری پێویست دەبێت”.