هەولێر: دەستبەسەر بڕێكی زۆر لەغازی ماڵاندا داگیرا

لڤین:

قائیمقامیەتی قەزای ناوەندی هەولێر، لە شوێنێكی شاراوەی شارەكە دەست بەسەر زیاتر لە 600 بوتڵ غازی ماڵاندا گیراوەو لەسەر كەیسەكەش سێ كەس دەستگیركراون.

لە راگەیەندراوێكدا قائیمقامیەتی قەزای ناوەندی هەولێر،کە ئێوارەی ئەمڕۆ ( چوارشەممە، ٢٠ی تشرینی یەکەمی ٢٠٢١ ) بڵاویکردوەتەوە ڕایگەیاندوە،”دوای کۆکردنەوەی زانیاری و چاودێریکردنی یەکێک لە باخچەکانی نزیک شاری ھەولێر، توانرا دەستبەسەر زیاتر لە ( ٦٠٠ ) بوتڵ غازی ماڵاندا بگیرێت”.

لە بەشێکی تری ڕاگەیەندراوەکەدا هاتوە،”مەبەست لەشاردنەوەی ئەم غازەی دەسیتبەسەر داگیرا قۆرخکرنە لەنرخ و فرۆشتنەوەی بەنرخێکی گران بوە بە ھاوڵاتیان”.

قائیمقامیەتی هەولێر ئاشكراشیكردوە،”لەسەر ئەم کەیسە سێ کەس دەستگیرکران و بەپێی یاسا کاردانەوەیان بەرامبەر دەکرێت.”