بارزانی بۆ ئەنجومەنی ئاسایش و یوئێن: مه‌ترسیی هێرشەکەی سەر هەولێر بە جددی وەربگرن
لڤین:
نێچیرڤان بارزانی سەبارەت بە هێرشی مووشەكی بۆ سەر هەولێر، پەیامێکی بڵاو کردەوە و داوا لە ئەنجومەنی ئاسایشی نێودەوڵەتی و نەتەوە یەكگرتووەكان دەكات مه‌ترسیی ئەو هێرشە زۆر بە جددی وەربگرن، ئاشکراشیدەکات کە لە هێرشەکەدا كەسێك گیانی لەدەستداوە و نۆ كه‌سی دیکەش برینداربوون كە ژماره‌یه‌كیان ئەمه‌ریكین.
لە بەشێکی پەیامەکیدا نێچیرڤان بارزانی، سەرۆكی هەرێمی كوردستان، دوای شەرمەزارکردنی هێرشەکە داوا لە ئەنجومەنی ئاسایشی نێودەوڵەتی و نەتەوە یەكگرتووەكان (یوئێن)دەکات “مه‌ترسیی ئەو هێرشە زۆر بە جددی وەربگرن و كار بكەن بۆ ڕێگرتن لە هەڕەشە لەسەر خەڵكی هەرێمی كوردستان لە ڕێگەی هاندانی حكومەتی عێراقه‌وه بۆ جێبەجێكردنی دەستوری عێراق و بەتایبەتی ماددەی 140”.
هەر لە پەیامەکەدا هاتووە “نه‌بوونی هه‌ماهه‌نگی و هەبوونی هه‌ندێك هێز و گرووپی چه‌كداری ده‌ره‌وه‌ی فه‌رمان و ده‌سه‌ڵاتی حكومه‌تی فیدراڵ، بوونه‌ته هۆی ئاڵۆزیی ناوچه‌كه و وایكردووە هەڕەشەیەكی بەردەوام بۆ سەر هەرێمی كوردستان هه‌بێت” هاوکات داواش لە سه‌رۆك وه‌زیرانی عێراق ده‌كات به‌په‌له لیژنه‌یه‌كی هاوبه‌شی لێكۆڵینه‌وه‌ی حكومه‌تی هه‌رێمی كوردستان و حكومه‌تی فیدراڵ ده‌ستبه‌كار بێت.
دەقی پەیامەکە:
پەیامی نێچیرڤان بارزانی سەبارەت بە هێرشی مووشەكی بۆ سەر هەولێر
هێرشی تیرۆریستیی شەوی ڕابردوو كە بە مووشەك كرایە سەر هەولێر و بووه هۆی گیانله‌ده‌ستدانی كەسێك و برینداربوونی نۆ كه‌سی دی كە ژماره‌یه‌كیان ئەمه‌ریكین، بە توندی سەركۆنە و شەرمەزار دەكەین، سەرەخۆشی لە كەسوكاری قوربانییه‌كه دەكەین و هیوای زووچاكبوونەوە بۆ برینداران دەخوازین.
داوا لە ئەنجومەنی ئاسایشی نێودەوڵەتی و نەتەوە یەكگرتووەكان دەكەین مه‌ترسیی ئەو هێرشە زۆر بە جددی وەربگرن و كار بكەن بۆ ڕێگرتن لە هەڕەشە لەسەر خەڵكی هەرێمی كوردستان لە ڕێگەی هاندانی حكوومەتی عێراقه‌وه بۆ جێبەجێكردنی دەستووری عێراق و بەتایبەتی مادەی 140.
داوا لە بەڕێز سەرۆك وەزیران و فەرماندەی گشتیی هێزە چەكدارەكانی عێراق و فەرماندەییی هێزەكانی هاوپەیمانان لە عێراق دەكەم، بە خێرایی میكانیزمی هه‌ماهه‌نگی له‌گه‌ڵ هه‌رێمی كوردستان كارا بكه‌نه‌وه و هێزەكانی ئاسایش و پێشمەرگە لەگەڵ سوپا و دەزگا و هێزە عێراقییه‌كان بە بەشداریی هاوپەیمانان لەو ناوچەیە، پێكه‌وه كار بكه‌ن و هه‌ماهه‌نگ بن.
نه‌بوونی هه‌ماهه‌نگی و هەبوونی هه‌ندێك هێز و گرووپی چه‌كداری ده‌ره‌وه‌ی فه‌رمان و ده‌سه‌ڵاتی حكومه‌تی فیدراڵ، بوونه‌ته هۆی ئاڵۆزیی ناوچه‌كه و وایكردووە هەڕەشەیەكی بەردەوام بۆ سەر هەرێمی كوردستان هه‌بێت، بۆیه داوا له به‌ڕێز سه‌رۆك وه‌زیرانی عێراق ده‌كه‌م به‌په‌له لیژنه‌یه‌كی هاوبه‌شی لێكۆڵینه‌وه‌ی حكومه‌تی هه‌رێمی كوردستان و حكومه‌تی فیدراڵ ده‌ستبه‌كار بێت و به زووترین كات هێرشكاران بدۆزرێنه‌وه و به سزای یاسایی بگه‌یه‌نرێن.
نێچیرڤان بارزانی
سەرۆكی هەرێمی كوردستان
2021/2/16
Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4
Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6
Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7
Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22
Notice: Undefined index: name in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 44
Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21
