شێخ نەهرۆ کەسنەزانی: دەرئەنجامی هەڵبژاردنەكان رەنگە ببێتە مایەی هەڕەشە

لڤین:

سەرۆكی تەریقەتی كەسنەزانی لە جیهان رایگەیاند، چەند تێبینیەكی لەسەر هەڵبژاردنەكانی عێراق تۆماركردووە.

شێخ نەهرۆ كەسنەزانی ئەمڕۆ لە راگەیەندراوێکدا بڵاویکردەوە “رێژەی زۆری بەشدارینەكردنی هاوڵاتیان لە هەڵبژاردنی پەرلەمانی عێراقدا، هەڵبژاردن دەخاتە ژێر مەترسی لەدەستدانی شەرعیەت و ناڕەزایی دەربڕین لەئاستی هەڵبژاردنەكان و رازی نەبوون بە ئەنجامەكانی، ئەوەش وادەكات رەنگە هەندێك كەس دانی پێدا نەنێن، ئەمەش دەمانخاتە بەردەم ئەو مەترسییانەی دواتر دێنە پێشەوە”.

سەرۆکی تەریقەتی کەسنەزانی دەشڵێت “دەرئەنجامی هەڵبژاردنەكان خوانەخواستە رەنگە ببێتە مایەی هەڕەشە و ناڕەزایی و پشێویی و توندوتیژی و شەڕ و كوشتار، بەمجۆرەش دەگەڕێینەوە گۆشەی وێرانكاری و لەناوچوون و جیابوونەوە”.

بابەتی پەیوەندیدار

Back to top button