محەمەد ئەحمەد: هەوڵی گۆڕانکاری هەیە بۆ تێکدانی نەزاهەتی هەڵبژاردن

لڤین:

بەرپرسی دەستەی باڵای چاودێری یەکگرتووی ئیسلامی کوردستان رایگەیاند، هەوڵی گۆڕانکاری هەیە بۆ تێکدانی نەزاهەتی هەڵبژاردن، بەڵام بڕوا ناکەم بەو شێوەیە بێت کە لە راگەیاندنەکانەوە باس دەکرێت.

محەمەد ئەحمەد لە دیدارێکدا لەگەڵ دەنگی ئەمریکا رایگەیاند “ئەوە راست نیە کە ئێمە کورسییەکمان لەدەستداوە ئەوە هەمووی جەنگی دەرونی و چەواشەکارییە زیاتر لە راگەیاندنەکانەوە باس دەکرێت، چونکە هێشتا زۆری ماوە ئەنجامە کۆتاییەکان ئەوەی رادەگەیەنرێت راگەیاندنی نافەرمی و جوزئیە لە کۆمسیۆنەوە، ئێمە دڵنیاین لە کورسییەکانی خۆمان”.

ئەو وتیشی “راستە هەوڵی گۆڕانکاری هەیە بۆ تێکدانی نەزاهەتی هەڵبژاردن، بەڵام بڕوا ناکەم بەو شێوەیە بێت کە لە راگەیاندنەکانەوە باس دەکرێت و (پشت بەخوا) و بەهەوڵی هەموو لایەک رێگە نادەین ئەو هەوڵانە سەر بگرێت، ئێمە بەپێی ئەو دەنگ و داتایانەی هەمانە بەڵێ چوار کورسیمان هەیە”.

بەرپرسی دەستەی باڵای چاودێری یەکگرتوو راشیگەیاند “لەسەر ئاستی بەغدا و هەرێم لە هەوڵ و پەیوەندیداین، بۆ ئەوەی پاک و بێگەردی پڕۆسەی هەڵبژاردن بپارێزرێت کە لەسەرەتاوە بەوجۆرە بوو”.

ئەوەشی وت “هەموو رێگایەکی یاسایی و شارستانی سیاسی دەگرینەبەر بۆ پاراستنی دەنگەکانمان، بێدەنگ نابین لە یەک دەنگ هەموو داتاکانمان کۆ کردوه‌تەوە بۆ گرتنەبەری رێوشوێنی یاسایی و سیاسی و شارستانی”.

بابەتی پەیوەندیدار

Back to top button