میدیای یەکێتی: بافڵ تاڵەبانی هەوڵی ئازادکردنی دەستگیرکراوەکانی کەرکوکیداوە

لڤین:

یەکێتی دەڵێت هاوسەرۆکی حزبەکەیان پەیەوەندی بە سەرۆک وەزیرانی عێراقەوە کردووە بۆ ئازادکردنی دەستگیرکراوەکانی کەرکوک.

میدیای فەرمی یەکێتی بڵاویکردەوە دوای رووداوەكانی شەوی رابردووی كەركوك و دەستگیركردنی ژمارەیەك گەنجی كورد، بافڵ تاڵەبانی، هاوسەرۆكی یەكێتیی پەیوەندی بە مستەفا كازمیەوە كردووە بۆ ئازادكردنی سەرجەم دەستگیركراوەكانی كەركوك.

میای یەکێتی ئەوەشی وتووە، سەرۆكایەتی یەكێتیی نیشتمانیی كوردستان لەسەر هێڵی گەرمە بۆ چارەسەركردنی كێشەكانی شاری کەرکوک.

هەر ئەمڕۆ کەمال کەرکوکی، بەرپرسی ئەنجومەنی سەرکردایەتی گەرمیانی پارتی رایگەیاندبوو هاتنی هێزەکەی عێراق و دەستگیرکردنی گەنجەکانی کەرکوک پەیوەندی بە تەقەی لایەنگرانی یەکێتیەوە هەبووە لە شارەکە کە شەوی پێشتر کردویانە.

 

بابەتی پەیوەندیدار

Back to top button