هۆکاری کەمی ڕێژەی بەشداری لە هەڵبژاردنەکەى عێراق ئاشکرا دەکرێت

لڤین:

نێردەی یەكێتی ئەوروپا بۆ چاودێری هەڵبژاردنەكانی عێراق هەڵبژاردنی پێشوەختەی عێراق، ڕێژەیەكی كەم پێشێلكاری تۆماركراوە، بەهۆی چەند هۆکارێکەوە ڕێژەی بەشداری هاووڵاتیان لە پڕۆسەكەدا كەم بوو.

ڤیۆلا ڤۆن كرامۆن، نێردەی یەكێتی ئەوروپا بۆ چاودێری هەڵبژاردنەكان لە عیراق، ئەمڕۆ ( سێ شەممە، ١٢ی تشرینی یەکەمی ٢٠٢١ ) لە کۆنگرەیەکی ڕۆژنامەوانیدا ڕاپۆرتی خۆی سەبارەت بە هەڵبژاردنەكان بڵاوكردەوە و رایگەیاند،” هەڵبژاردنی پێشوەختە بۆ ئەنجومەنی نوێنەرانی عیراق سەركەوتوو بوو و بەڕێژەیەكی كەم پێشێلكاری تۆماركراوە”.

لە بەشێکی تری لێدوانەکەیدا ئاشکرای کرد،” هەرچەندە رێژەی بەشداری هاووڵاتیان لە پڕۆسەكەدا كەم بوو بەڵام، پڕۆسەی هەڵبژاردن بە ئاسایی بەڕێوەچوو”.

ڕاپۆرتەکە چەند هۆکارێک بۆ کەمی ڕێژەی بەشداری بە تایبەت لەناو گەنجاندا دەخاتەڕوو و دەڵێت،” سزادانى چالاکوانانى بادینان و ڕۆژنامەنووسان بە شەش ساڵ زیندانیکردن، کاریگەرى نەرێنى لەسەر هەڵبژاردنەکە و ئازادى ڕادەربڕین هەبووە لە هەرێمى کوردستان”.

وتیشی، “لە ماوەى بانگەشەکەدا  بە گشتی ڕێز لە ئازادییە بنەڕەتییەکانی ڕادەربڕین گیراوە، بەڵام چەندین ڕاپۆرتمان بەدەست گەشتووە لەسەر هەڕەشە و ترساندن لە هەرێمی کوردستاندا”.

جەختی کردووەتەوە کە “بەشێکى بەرچاوى خەڵک بایکۆتى دەنگدانیان کرد، یان دەنگەکانیان سوتاند، ئەمەش لەبەر ئەوەى بڕوایان بە پرۆسەى سیاسى نەبوو، یان ئەلتەرناتیڤى باشى سیاسییان لەبەردەمدا نەبووە.”

ئاماژەی بەوەیشدا،” “کورسى کۆتاکان لە لایەن هێزە سیاسییەکانى ترەوە بەکاردەهێنرێت”.

<iframe src=”https://www.facebook.com/plugins/video.php?height=314&href=https%3A%2F%2Fwww.facebook.com%2F109128254878506%2Fvideos%2F565300291343345%2F&show_text=false&width=560&t=0″ width=”560″ height=”314″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>