کاردۆ محەمەد: گۆڕان پـێچەوانەی ئەو پەیامەی بۆی دروستببوو کاری کرد بۆیە شکستی هێنا

لڤین:

ڕێکخەری ژووری پەرلەمانی بزوتنەوەی گۆڕان ڕایدەگەیەنێت، بزوتنەوەی گۆڕان پـێچەوانەی ئەو پەیامەی بۆی دروستببوو کاری کرد بۆیە تووشی شکست بوو ئەوان پێشبینیان کردووە کە پاشەکشە بکەن.

کاردۆ محەمەد لە دیدارێکدا لەگەڵ دەنگی ئەمریکا راگەیاند “گۆڕان و شوناسنامەکەی پڕۆژەی ناڕەزایی خەڵک بوو بەرامبەر ئەو حوکمڕانیەی چەند ساڵە هەیە، کاتێک بە پێچەوانەی ئەم پڕۆژەیەوە کاردەکات بێگومان خەڵک ناچێتە دەنگدان و ئەو هێزە کۆمەڵایەتییە ڕێژەی دەنگەکانی نەک کەم دەکات بەڵکو شکست دەهێنێت لە پڕۆسەکە”.

ئەو دەشڵێت:  پێشتر خوێندنەوەمان هەبوو بۆ پاشەکشە و بایکۆتی خەڵک، بەڵام هیچ ڕێگەیەکی تر لەبەردەمماندا نەبوو جگە لە بەشداریکردن لەهەڵبژاردن.

ئاماژەی بەوەشکرد “هۆکاری ئەنجامەکانی هەڵبژاردن، پەیوەندی بە گوتاری سیاسی گۆڕان و ئەدای سیاسی گۆڕانەوە هەیە بۆ لێکدانەوە و هەڵوێستەکانی لەبەرامبەر ڕووداوەکان”.

ڕێکخەری ژووری پەرلەمانی بزوتنەوەی گۆڕان دەشڵێت “ئیرادەی هەستانەوەی بزوتنەوەی گۆڕان هەیە، ئەوەش پاراستنی هەر هەیکەلەکەی نەبێت، بەڵکو پاراستنی پڕۆژەکەشی بێت، زۆرینەی گۆڕان بەوەی ناڕازییە وە بەوەی کە ئێستا بەردەوامی بە کاری ڕێکخراوەیی دەدات لە گەڵ ئەوەن گۆڕان ئەو تایبەتمەندیەی خۆی بپارێزێت کە خەڵکی کوردستان لە حیزبەکانی تر چەشتوییانە”.

 

 

بابەتی پەیوەندیدار

Back to top button