یەکێتی لەبارەی بۆردومانی سنوری چەمچەماڵ ھاتە دەنگ
لڤین:
مەکتەبی سیاسیی یەکێتیی نیشتمانیی ئیدانەی بۆردومانی فڕۆکەکانی سوپای تورکیا بۆ سنوری قەرەهەنجیر لە نزیک شاری کەرکوک دەکات کە قوربانی و زیانی لێکەوتووەتەوە.
دوا بۆردومانەکەی تورکیا لە سنوری چەمچەماڵ مەکتەبی سیاسی یەکێتی رایگەیاند: ئەم سنور بەزاندنە پێشهاتێکی خراپە کە ناوجەرگە و قووڵایی کوردستان و عێراقی گرتووەتەوە.
ئەو حزبە داوای دەستبەجێ راگرتنی دەکات چونکە پێیوایە هیچ پاساوێک نابێت ببێتە ھۆی سنور بەزاندن و زیانگەیاندن بە خەڵکی بێتاوان.
داواشی لە حکومەتی عێراق کردووە “ئەرکی دەستووری و نیشتمانیی خۆی لە داکۆکیکردن لە خاکی عێراق بە کوردستانیشەوە راپەڕێنێت
ئەوەشی وتووە عێراق لە رێگەی کەناڵە دیپلۆماسییەکانەوە حکومەتی تورکیا لەم پێشێلکارییە ئاگاداربکاتەوە.
