هەدەپە وەڵامی ئەردۆغانی دایەوە

لڤین:  

هاوسەرۆکی هەدەپە رایگەیاند، ئەگەر ئەردۆغان ڕاستدەکات  کێشەی کورد چارەسەرکراوە بۆچی هێشتا تانکەکانی لەشارە کوردییەکاندا دەسوڕێنەوە و منداڵانی کورد ده‌كه‌ن به‌ژێره‌وە.

مەدحەد سنجار لە کۆبونەوەی کوتلەی پاتی دیموکراتی گەلان (هەدەپە) لەپەڕلەمانی تورکیا ڕایگه‌یاند “وەک دەزانن وەرزی نوێی دانیشتنەکانی پەرلەمان بەنکوڵیکردن لەپرسی کورد لەلایەن ڕەجەب تەیب ئەردۆغانی سەرۆکی پارتی دادو گەشەپێدانه‌وه‌ دەستیپێکرد، ئەوەش بەو واتایە دێت کە ئەوان چونەتە قۆناغێکی ترو جەنگ‌و نکوڵیکردن‌و سیاسەتی لەناوبردنی کوردیان تەواوکردووە”.

هاوسەرۆکی هەدەپە راشی گەیاند “ئەوان دەڵێن کێشەی کوردمان چارەسەرکردوە، بەڵام با بزانین چۆن لەماوەی ساڵێکدا کێشەکەتان چارەسەرکرد و کەسیش نەیزانی؟” ئەگەر کێشەی کوردتان چارەسەرکردوە، بۆچی هەزاران زیندانی سیاسیی کورد لەزیندانەکاندان‌.

ئاماژەی بەوەکرد “ئەوان نازانن چی دەڵێن ‌و چۆن قسە دەکەن، نازانن چۆن سیاسەت دەکەن‌ و ناشتوانن دەستبەرداری سیاسەتی نکوڵیکردن‌و وێرانکردن لەبەرامبەر کوردبن”.

مەدحەد باسی لەوەشکرد کە ئەوانەی کورد زیندانی دەکەن دەیانەوێت کورد بەجوانی بیانبینێت‌ و لەهەڵبژاردنەکاندا دەنگیان پێبدات.

بابەتی پەیوەندیدار

Back to top button