دادگاییکردنی چوار دەستگیرکراوی بادینان دواخرا

لڤین: 

بڕیاربوو ئەمڕۆ چوار دەستگیرکراوی بادینان  دادگایی بکرێن بەڵام جارێکی دیکە بە بەهانەی نەقڵکردنی دوو ئەندامی دادگا جارێکی دیکە دانیشتنەکە دواخرا. 

هەرێم رەفعەت، ئەندامی تیمی پارێزەرانی خۆبەخشی دەستگیرکراوانی بادینان، لە کۆنگرەیەکی رۆژنامەوانیدا رایگەیاند: بڕیاربوو ئەمڕۆ دانیشتنێکی دیکەی دەستگیرکراوانی بادینان ئەنجام بدریت، بەڵام بە هۆی نەقڵ بوونی دوو دادوەری دادگای تاوانی هەولێر پڕۆسەی دادگاییکردنەکە دواخرا.

ئەو وتیشی هیوامانوابوو ئەمڕۆ ئەو دەستگیرکراوانان ئازاد بکرێن بەڵام دادگا سەلماندی کە هیچ بڕیارێک لە دەستی خۆیدا نییە، هۆکاری راستەقینەی دواخستنەکە بە بڕوای ئێمە بۆ هەڵبژاردنەکان دەگەڕێتەوە کە ئەگەر ئازاد بکرانایە یان سزا بدرانایە هەردوکیان کاریگەری دەبوو.

هەرێم رەفعەت وتیشی، بەهانەکەی دادگا لاوازە چونکە پێشتر لە مانگی شوباتدا کاتێک شێروان شێروانی و هاوڕێکانیان سزادا بە یەک رۆژ دانیشتنەکە کۆتایی پێهات .

 

 

بابەتی پەیوەندیدار

Back to top button