توركیا ٤٢ ملیار دۆلاری پارتی وەك بارمتە گرتوە تا شەڕی پەكەكەیان پێبكات

لڤین:

فەرماندەی بڕیارگەی ناوەندیی یەژاستار، بنەماڵەی بارزانی بڕی ٤٢ ملیارد دۆلاریان لە بانکەکانی دەوڵەتی تورکدا داناوەو لە ئێستا دەوڵەتی تورک، ئەو بڕە پارەیە وەکو بارمتە بەکاردێنێت تا پارتی ناچار بە شەڕی پەکەکە بکات.

بێریتان دەرسیم، فەرماندەی بڕیارگەی ناوەندیی یەژاستار، لە چاوپێكەوتنێكدا لەگەڵ ستێرك تی ڤی، رایگەیاند،” ئەگەر یارمەتیی پارتی نەبوایە دەوڵەتی تورک هەنگاوێکیشی پێ هەڵنەدەگیرا”.

هەروەها لە بەشێکی تری لێدوانەکەیدا ئاماژەی بەوەدا،”بنەماڵەی بارزانی بڕی ٤٢ ملیارد دۆلاریان لە بانکەکانی دەوڵەتی تورکدا داناوە و ئێستا دەوڵەتی تورک، ئەو بڕە پارەیە وەکو بارمتە بەکار دێنێت تا پارتی ناچار بە شەڕی پەکەکە بکات”.

هەروەها وتیشێ،” باشوری كوردستان ماڵی باوکی هیچ کەسێک نییە، باشور هی گەلی کوردەو خەڵکی باشوریش بێجگە لە بنەماڵەی بارزانی، هەمویان پەکەکەیان خۆشدەوێت، بێگومان ڕێزمان بۆ خەباتی پارتە پێشوەکانی باشور هەیە و پێشمەرگەش بە برای خۆمان دەزانن، بەڵام ئەو سیاسەتەی کە ئێستا پەیڕەو دەکەن ڕاست نییە و نە پێشمەرگە و نەش خەڵکی باشور قبوڵ ناکەن کە پارتێک ڕێگە بۆ سوپای تورک بکاتەوە تا بێت خوشک و براکانیان بکوژێت”.