ئێران لە بارەی حزبەکانی رۆژهەڵاتەوە جارێکی دیکە هۆشداری دەداتە هەرێمی کوردستان
لڤین:
فەرماندەى گشتیی هێزە چەکدارەکانی کۆمارى ئیسلامیی ئێران ڕایگەیاند، دەبێت بە زوترین کات بەرپرسانی هەرێمی کوردستان و حکومەتی عێراق لەبارەی حزبەکانی ڕۆژهەڵاتی ئێران بڕیارێک دەربکەن.
محەمەد باقری بە میدیاکانی سەر بە حکومەتی وڵاتەکەی راگەیاندووە: دەبێت بە زوترین کات بەرپرسانی هەرێمی کوردستان و حکومەتی عێراق لەبارەی حزبەکانی ئێران لەناو خاکی ئەو وڵاتە بڕیارێک دەربکەن.
ئاماژەی بەوەش کردووە، ئەوان دەستبەرداری ڕوبەڕوبوونەوەی هێرشەکانی ئەو حزبانە نابن و بە توندترین شێوە وەڵامیان دەدەنەوە، داواش لە نەتەوە یەکگرتووەکان دەکات مافی ڕوبەڕوبوونەوەى مەترسی بە تاران بدات.
