سەربازێکی سوپای تورکیا لە هەرێمی کوردستان کوژرا
لڤین:
وەزارەتی بەرگری تورکیا رایگەیاند، لە ئەنجامی هێرشێکی گەریلاکانی پەکەکە سەربازێکی سوپای تورکیا لە هەرێمی کوردستان کوژرا و سەربازێکی دیکەش برینداربووە.
وەزارەتی بەرگری تورکیا لە راگەیەندراوێکدا بڵاویکردەوە، لە ئەنجامی هێرشێکی گەریلاکانی پارتی کرێکارانی کوردستان لەناوچەی ئۆپراسیۆنی چنگی هەورە تریشقە، سەربازێک بەناوی عومەر فاروق هەردە کوژرا و سەربازێکی دیکەش برینداربووە.
هاوکات هەر ئەمڕۆش سوپای تورکیا گوندی بانکێیان لە ناحیەی باتیفای سەر بە قەزای زاخۆ بۆردومانکرد، بەڵام زیانی گیانی لێنەکەوتەوە.
