تورکیاژمارەیەک کۆچبەری هەرێمی کوردستانی رادەستی گروپە چەكدارەكان كردوە

لڤین:

دەزگای لوتکە بۆ کاروباری ئاوارە و پەنابەران، تورکیا ٦٠ کۆچبەری هەرێمی کوردستانی رادەستی هێزەکانی بەرەی نوسرە لە سوریا کردووە.

ئاری جەلال، سەرۆكی دەزگای لوتكە بۆ كاروباری ئاوارە و پەنابەران ئەمرۆ سێشەممە 31ی ئابی 2021 ڕاگەیاند، “نزیكەی 60 كۆچبەری كورد، كە بەنیازبوون لە ئیزمیرەوە بۆ یۆنان بپەڕنەوە، لەلایەن پۆلیس و جەندرمەی توركییەوە دەستگیركراون و گوازراونەتەوە بۆ غازی عەنتاب و لە یەكێك لە كەمپەكانی ئەوێ ماوەی نزیكەی 10 ڕۆژ هێشتویاننەتەوە”.

هەروەها ئاشکرایشی کردوە،” ئەمڕۆ ئەو كۆچبەرانە لەلایەن هێزە ئەمنییەكانی توركیاوە ڕادەستی گروپە چەكدارەكانی سوریا كراون، كە ئەو گروپانەی سەر بە خودی توركیان”.

لە بەشێکی تری لێدوانەکەیدا ئاشکرایشیکردوە،” كۆچبەرەكان سەرجەمیان سەڵتن، ژن و منداڵیان لەگەڵدا نییە، خەڵكی سلێمانی و ناوچەكانی دەوروبەری و هەولێریان تێدایە”.

لە کۆتایدا ڕایگەیاندوە،” لەگەڵ كۆچبەرەكان قسەی كردووە و داوای كۆی ناوەكانیانی كردووە، تا كەسوكاریان لە چارەنووسیان ئاگاداربكاتەوە”.

بابەتی پەیوەندیدار

Back to top button