٣١ی ئاب !

لڤین:ئارێز عەبدوڵڵا

ڕۆژی ٣١ی ئابی ١٩٩٦ هەرگیز لەبیر ناچێتەوە و ناشبێ لەبیر بچێتەوە، نەک بۆ تۆڵەکردنەوە، بەڵکو بۆ ئەوەی دەرس و پەندی مێژووی لێ وەربگیرێ. ٣١ ئاب ڕووداوێکی خەیانەتە بە کێشی قوڕس، بڕوا ناکەم ئەوانەی کە بڕیاریان لەو ئۆپراسیۆنەداوە کارەکەیان بەڕەوا زانیبێ، بەڵام دیارە سروشتی مرۆڤ وایە هەموو کات پاساو بۆ هەڵە و تەنانەت تاوانەکانیشی دێنێتەوە.

پاساو هێنانەوە بۆ ٣١ی ئاب و هەر ڕووداوێکی تری لەو جۆرەش ئاسانە، بەڵام ئایا پاساوەکان ڕەوایەتی بە شەڕێکی لەو جۆرە دەدەن؟

بێگومان نا، نا بەڵام خۆ ئەمڕۆش نەبێ دوای پەنجا ساڵی تربێ دەبێ دادگایەکی نیشتیمانی یان پەرلەمانی کوردستان ئەو ڕووداوە ریسوا و شەرمەزار بکا.

ڕاستە شەڕی برا کوژی لە نێوان ی.ن.ک و پ.د.ک هەبوو. شەڕەکەش خۆی لە خۆیدا نە پیرۆز و نە ڕەوا بوو، بەڵام لە پێناوی گۆڕینی بەلانس و یەکلایی کردنەوەی کێشەکە دەستدرێژکردن بوو بۆ ئەو دوژمنەی تا ئەو کات دەستی بە خوێنی ئەنفالکران سور بوو!

شەڕی براکوژی مەترسیدار و زیانەکانیشی لە ڕاددە بەدەر گەورەبوون، بەڵام زیانە مەعنەوی و ماددیەکانی ٣١ی ئاب هەندە گەورەن مەگەر بە دانپانان و داوای لێبوردن بەشێک لە ئازارەکان کەمبکاتەوە، دەنا هەرگیز بنیان نایەت.

ئەو رۆژگارەمان لە بیرە کە چۆن تۆپ و تانکەکانی دوژمن تەڕاتێنەیان لە هەولێر دەکرد و چۆن دوژمنانی گەلەکەمان لیکی خۆشیان لە دەم دەهات و هاوپەیمانانیش چۆن پشتیوانانی خۆیان لە هەرێمی کوردستان کێشایەوە، تەنانەت رێخراوە نێودەوڵەتیەکان لەو پەڕی بێ ئومێدیدا هەموو ئەو کارمەندانەشیان گواستەوە ئەمریکا، کە رۆژەک لە رۆژان لەگەڵ ئەوان کاریان کردبوو.

ڕۆژگارێکی تاڵ بوو، نەک لەبەر ئەوەی یەکێتی لەبەرامبەر پارتی و عێراق شکا، بەڵکو لەبەر ئەوەی هێزێکی کوردستانی هاوکاری ئەو دوژمنەی کرد کە دەیان ساڵ بوو خۆی قوربانی لە دژ دەبەخشی.

ڕۆژگارێکی تاڵ بوو، نەک تەنیا لەبەر ئەوەی هەزاران خێزان ئاوارە و دەربەدەر بوون، بەڵکو لەبەر ئەوەی جیهان بەسوکی سەیری ئێمەی کوردی دەکرد.

نامەوێ برینەکان بکولێنمەوە، بەڵکو دەمەوێ وەک هاوڵاتیەک ئەو رۆژگارە تاڵانە وەبیربێنمەوە تا کارێکی لەو جۆرە هەرگیز دووبارە نەکرێتەوە. لەهەمان کاتیشدا پێشنیار دەکەم کە پەرلەمانی کوردستان پێناسە و ریسوایی ڕووداوی ٣١ی ئاب بکا.

دڵنیام کە سانی وا هەن دەڵێن ئەی ١٦ی ئۆکتۆبەر؟

ئەو کات گوتومە و ئێستاش دەیڵێم هەر کەسێک لە ١٦ی ئۆکتۆبەر خیانەتی کردبێ، یان ٢٠١٤ و ٢٠١٥ بەبی بەرگری لەبەرامبەر داعش پاشەکشەی کردبێ پێویستە دادگایی بکرێن و سزاش بدرێن. ئەو کەیسە هێشتا کۆن نەبووە و داومودەزگاکانی هەرێم دەتوانن بە ئاسانی ڕاستیەکان دەربخەن.

نەفرەت لە ٣١ی ئاب

نەفرەت لە شەڕی برا کوژی.

نەفرەت لە خیانەت و خیانەتکاری..

 



Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4

Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6

Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7

Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22

Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21

بابەتی پەیوەندیدار

زیاتر بخوێنەوە
Close
Back to top button