31-ی ئاب، گەورە خیانەتی مێژووی کوردستان

لڤین:کاروان گەزنەیی

31-ی ئاب، ڕۆژێکی ڕەش و خیانەتێکی بێ وێنەیە بەرامبەر بە گەلی کوردستان؛ خیانەتێک، کە پۆستاڵ و دەبابەکانی هێزی بەعس تەواوی هەولێر و پەرلەمانی کوردستانییان تەنی؛ خیانەتێک، کە ڕۆڵەکانی گەلەکەمان خرانە ژێر چەقۆی بێ ڕەحمی لە ناوچوون؛ هەوڵێک، بۆ گۆڕینی دیمۆگرافیای هەرێم و ویستێک بۆ سڕینەوەی شوناسی کوردایەتی و دروستکردی کەلتووری بە کۆیلەکردن و خۆسەپاندن؛ و 31-ی ئاب، مێژوویەکی ڕەش و خیانەتێکی بێ وێنە بوو لە ناو هەموو خیانەتەکانی دیکەی پارتی.

دەبێت هەموو ساڵێک یادی ئەم ڕۆژە تاریکە و خیانەتە مێژوویەیی پارتی بکەینەوە تا ببێتە وانەیەکی مێژووی، و نەوەکانی داهاتوومان تێبگەن کە چۆن هێزەکانی بەعس و سەددامی خاوەن ئەنفال و کیمیا بارانی هەڵەبجە لە لایەن پارتییەوە لە پەرلەمانی کوردستان پێشوازییان لێکرا و کوردستان خرایە ژێر پۆستاڵی دووژمنانی کورد و هەولێری پایتەخت داگیرکرا.

زۆر دڵنیام ڕۆژێک دێت سەران و بکەرانی ئەم تاوان و خیانەتە مێژووییە، لەسەر ئەم خیانەتە مێژووییە و سەرانە سەندن و چاوساندنەوە و بە کۆیلەکردن و دزی و گەندەڵی و مافیا گەردانی ئێستایان، بە سزای گەل دەگەن.