ماکرۆن: بودجەیەکی تایبەتمان بۆ عێراق دیاریکردووە

لڤین:

سەرۆک کۆماری فەڕەنسا رایگەیاند بودجەیەکی تایبەتیان بۆ سەقامگیری عێراق تەرخان کردووە و پشتیوانی وڵاتەکەشت بۆ عێراق راگەیاند.

ئیمانوێل ماکرۆن،  لە کۆنگرەیەکی ڕۆژنامەوانیدا لەگەڵ مستەفا کازمی، سەرۆک وەزیرانی عێراق ڕایگەیاند، دەمانەوێت لە چەندین بواری جیاوازدا هەماهەنگی بکەین و سورین لەسەر هاوکارییەکانمان بۆ عێراق. ئاشکراشیکرد کە فەڕەنسا بودجەیەکی بۆ پشتگیری سەقامگیربوونی عێراق دابین کردووە.

سەرۆکی فەڕەنسا جەختی لەوەکردەوە کە وڵاتەکەی “ژیانێکی باشترمان دەوێت بۆ خەڵکی ناوچە ڕزگارکراوەکان و پشتگیری هەوڵەکانی حکومەت دەکەین بۆ ئاوەدانکردنەوەیان”.

باسی لەوەشکرد، سەردانە یەک لەدوای یەکەکان لەنێوان هەردوولا بە ئاڕاستەی پتەوکردنی پەیوەندییە دووقۆڵییەکانە، پێشوازی لەو پێشکەوتنەش دەکەین کە عێراق بەدەستی هێناوە و بڕیارە هەڵبژاردن ئەنجام بدات.

 

 

 

 

بابەتی پەیوەندیدار

Back to top button