کشانەوەی ئەمەریکاو چارەنوسی هەرێم !
وەرگیراوە لە فەیسبووکی دڵشاد ئەنوەر
لەگەڵ بەهێزبوونی ئەگەرەکانی کشاوەی ئەمەریکا لە عێراق، زۆترین قسەوباس لەسەر چارەنوسی هەرێمە لە غیابی ئەمەریکادا دێتە گۆڕێ، تەنانەت ئەمە ترس و دوو دڵیشی دروستکردووە.
ترسەکە تا ڕادەیەکیش واقعیە، بەتایبەت دوای ڕووداوەکانی ئەڤغان و داڕووخانی ئەو وڵاتە لەماوەی چەند ڕۆژێکدا، گەرچی دووبارەبوونەوەی سیناریۆی ئەو وڵاتە لە عێراق ئەستەمە، بەڵام خاڵی لەیەکچووش زۆرە.
هاوشێوەی ئەڤغان، هێزە سەربازیەکانی عێراق و کوردیش پشت بەستوو نین بەخۆیان، لەڕووی دەروونیەوە ئامادەگی شەڕیان نیە بێ پشتیوانی ئاسمانی، دابەشبوون بەسەر حیزب و بەرپرس و گروپ دا، فرە بڕیار و فرە مەرجەعن، ڕاهێنراو و مەشقپێکراو و توندوتۆڵ نین، بۆیە ئەستەمە بەرگری درێژخایەنیان پێبکرێت.
هاوشێوەی بوونی تاڵیبانی ئەڤغان، چەندین گروپی شیعە و سونەش هەن، لە دەرفەت دەگەڕێن، بەهێزتریشن لەڕووی مەعنەوی و دەروونیەوە، بۆ قۆستنەوەی دەرفەتەکان، لەگەڵ هەموو ئەم ڕاستیانەدا، دووبارە بوونەوەی هاوشێوەی ئەڤغان زەحمەتە، بەڵام دەکرێت، ڕووداوەکان بە جۆری تر ڕووبدەن، بەتایبەت لە مەسەلە پەیوەندیدارەکان بەهەرێم.
بوونی هاوپەیمانان لە عێراق لەهەموو لایەک زیاتر بۆ هەرێم گرنگە، چونکە ئەم هێزە یەکێک لە کارە سەرەکیەکانی، ڕاگرتنی باڵانسە لە نێوان پێکهاتە ئاینی و نەتەوەییەکانی عێراق، ئەمە جگە لەوەی ڕێگریش بوو لە قوتدانی هەرێم لەلایەن ئیقلیمەوە، چونکە ڕوونە، قەوارەی سیاسی هەرێم و مانەوەی، دەرئەنجامی بڕیارە نێودەوڵەتیەکانە، نەک خەباتی حیزب و گروپ.
هەرێم کە سودمەندبوو لە هاوکێشەو گۆڕانکاری و بڕیارە نێو دەوڵەتیەکان، هێشتا هەر پشتی بەوان بەستووە، نەیتوانی لەماوەی ٣٠ ساڵی ڕابردوودا، قۆناغی شەڕە حیزب و شەڕە گروپ و شەڕە بەرپرس تێپەڕێنێ و بەسود وەرگرتن لە پاڵپشتیە دەرەکیەکان، خۆی ڕێکخاتەوە و لەسەر پای خۆی بوەستێ، بۆیە هەموو جارێک کە گۆڕانکاریەک لە هەڵوێست و ئەجێندای زلهێزەکان ڕوو دەدات، هەرێم دەستی لەسەر دڵیەتی و خێرا بیری بۆ لای چارەنوسی دەڕوات.
هەرێمی کوردستان وەکو بەشێک لە عێراق، کە لەدەستوردا دانی پێدا نراوە، قورسە بە خێرایی و کوت و پڕ بیر لە لەناوچوونی بکرێتەوە، بەتایبەت گەر هاوپەیمانانیش لە عێراق بکشێنەوە، قاعیدە و بنکەی سەربازیان لە ناوچەکەدا هەیە، ڕۆڵیشیان دەمێنێت، بەڵام دەکرێت بەجۆرێکی تر لەمەسەلەکە بڕوانین و بڵێین: زیاتر لەقاڵب دەدرێت و هەوڵی لاوازتر کردنی پێگەی دەدرێ.
لە قاڵب دەدرێت، چونکە ئێران خواستی بەهێزبوون و باڵادەستبوونی شیعەکانی عێراقی هەیە، تورکیاش هەمیشە بەم قەوارە سیاسیە کوردیەی هەرێم دڵخۆش نەبووە، با پەیوەندیشی لەگەڵ هێزێکی دیاریکراو هەبووبێ و سودمەندیش بووبێ لەو پەیوەندیە، بۆیە لە غیابی هاوپەیماناندا بەدوور نازانرێت، ڕێککەوتن و لەیەکگەیشتنی ئیقلیمی بێتە ئاراوە بۆ لەقاڵبدانی هەرێم.
پرسیارەکە ئەوەیە، هەرێم چۆن لەقاڵبدەدرێت؟
لێوەرگرتنەوەی سنورەکان، ڕاگرتنی فرۆشی نەوت و ڕێگەی تر زۆرە بۆ لە قاڵبدانی لە ڕێگەی ئابوریەوە، گرفتەکە لەوەدایە بۆ هەرێم، گەر دەست بۆ ئەم کارتانەش ببرێت، پاساوی یاسایی و دەستوریشی لەگەڵدایە و ئەمەش لەقاڵبدانەکە ئاسان دەکات.
خۆ ڕەنگە بوترێ، تورکیا بەمە ڕازی نابێت، چونکە سودمەندە لە نەوتی هەرێم، ئەمە بیرکردنەوەیەکی واقیعیانە نیە، چونکە پارەی بۆری و خەزان و باقیەکانی تریش کەهەرێم دەیداتێ، عێراقیش ئەوەی بۆ دەکات، لەپاڵ ئەوەشدا، لە شکاتە دەرەکیەکانی عێراقیش ڕزگاری دەبێت.
Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4
Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6
Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7
Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22
Notice: Undefined index: name in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 44
Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21
