بەدواداچون بۆ کەیسی بێسەروشوێن بوانی دورگەی کریتی وڵاتی یۆنان دەکرێت

لڤین:

دەزگای لوتکە، نوێنەری دەزگا و کونسڵی عێراق لە یۆنان کۆبوونەوە بەمەبەستی پێشکەشکردنی بەڵگەنامە و DNAprofile کەسوکاری بیسەروشوێن بووانی روداوەکەی رۆژی ٢٢ی تەموز.

لە ڕاگەیەندراوێکدا دەزگای لوتکە بۆ کاروباری ئاوارە و پەنابەران ڕایگەیاندوە،” لەسەر راسپاردەی بەڕێز قوباد تاڵەبانی جێگری سەرۆکی حکومەتی ھەرێمی کوردستان و بەمەبەستی بەدواداچون بۆ کەیسی بێسەروشوێن بوانی روداوەکەی رۆژی ٢٢ی تەموزی دورگەی کریتی وڵاتی یۆنان نیوەڕۆی ئەمڕۆ شێخ حسێن حەمە ساڵەح نوێنەری دەزگای لوتکە لەوڵاتی یۆنان سەردانی باڵوێزخانەی عێراقی کرد لەو وڵاتە و لەگەڵ هەریەک لەبەڕیزان (حيدر فالح بطاط) قائم الاعمال و (الام بنين علي)کونسڵی عێراق لە یۆنان کۆبوونەوە بەمەبەستی پێشکەشکردنی بەڵگەنامە و DNAprofile کەسوکاری بیسەروشوێن بووان”.

هەروەها هاتوە،” هەریەک لەبەڕێزان (حيدر فالح بطاط) قائم الاعمال و (الام بنين علي)کونسڵی عێراق لە یۆنان وێڕای دەربڕینی هاوخەمی بۆ ئەو کارەساتەی بەسەر کۆچبەرانی عێراقی دەربڕی بەڵێنی هەموو هاوکاری هەماهەنگی یان دەربڕی بەمەبەستی دیاریکردنی چارەنوسی بیسەروشوێن بووان”.

لە کۆتایی ڕاگەیەندراوەکەدا هاتوە،” هەروەها لەلایەن نوێنەری دەزگای لوتکە داوای هاوکاری و کارئاسانی کرا بۆ ئەو کۆچبەرانەی ڕزگاربووی ڕووداوەکەن خوازیارن بگەڕێنەوە هەرێمی کوردستان، بەڕێزیان ئامادەی تەواویان نیشاندا بەهاوبەشی دەزگای کۆچی نێودەوڵەتی بەزووی هاوکاری و کاروباری یاساییان بۆ جێبەجێ بکرێ بەمەبەستی گەڕانەوە بۆ ناوکەسوکاریان”.

بابەتی پەیوەندیدار

Back to top button