فەیلەسوفە ساختەچییەكە لە ئەفغانستانە

لڤین: محمد نوری

لەسەروبەندی ریفڕاندۆمەكە بوو ،بیرنارهنری لیڤی دەركەوت ،لەوكاتەدا وتارێكم نوسی :بەناوی ساختەچییەكەی فەلسەفە لەهەولێرە.نوسیم ئەم پیاوە لاسایی سارتەر دەكاتەوە دەیەوێت هەڵوێست بنوێنێت بەڵام نمایشكەر و درۆزن وپیاوی راپۆورتنوس و فشەكەرێكی سەر جەستەی فیكرە ،یان وەك سەعید ناشید گەورە بیریاری عەرەب ناوی دەنێت :قۆڵبڕی فەلسەفە.بەڵام لەبەرامبەردا هێرشی توند وبێ سەروبەر كرایە سەرمان .گرنگ نییە ،ئەوەی كەمێك بخوێنێتەوە ،ئەوەی ئاگای لەنوسینەكانی بیریارەكانی جەزائیر وتونس ومەغریب بێت دەزانن كە ئەم پیاوە چ مەعدەنێكە.كەسانی وەك سالم یفوت وعەبدوسەلام بنعبید عالی و سەعید ناشید و عەبدوڵا بلقیز و محەمەد برادە ،ئەمانە كە جگە لەوەی بەعەرەبی دەنوسن وزمانی سەرەكی نوسین وبڵاوكردنەوەیان فەڕەنسییە ،لەباسی ئەم شەلاتییە ، كۆكن لەسەر ئەو دێڕەی كە میكرۆبی زیانبەخشی سەر فیكرە وبەناوی بەشداریی سیاسیی وهەڵوێستەوە پەنی گەورە بە سەركردە وبەرپرسەكان دەدا.

تەنانەت لەدەركەوتنیدا كە لە هەفتاكانی سەدەی پێشوو ،لەرێی وەڵام بۆ ئەركی رۆشنبێر ،لەناو شەقامی فیكری فەڕەنسیدا بەپیاوە بێ رەبتە فیكرییەكە ناسراوە ،بەڵێ قوتابی ئاڵتوسێر و دریدا بوو بەڵام قوتابییەك كە دەیەوێت درۆ بكات بۆئەوەی دەربكەوێت.

عەبدوسەلام بنعبید عالی لەباسیدا دەنوسێت :ئەوپیاوەی پەن بە سیاسییە بێ بیركردنەوەكان دەدا.

پرۆژەیەكە بۆ وێرانكردنی هەموو دەوروبەرێكی وڵاتی ئیسرائیل،بۆیە ئیسرائیل لەناو كەلاوەدا دەربكەوێت

بابەتی پەیوەندیدار

Back to top button