٣٢ کۆچبەری کورد لە دورگەیەک گیریان خواردووە

لڤین:

میدیایەکی کوردییە لە یۆنان، شەوی ڕابردوو کاتێک 32 کۆچبەری کورد ویستویانە بە یەختێک لە تورکیاوە خۆیان بگەیەننە ئیتاڵیا، بەڵام لە ڕێگەدا یەختەکەیان لەکار کەوتووە و لە دورگەیەکی یۆنان گیریان خواردووە.

پشتی نیوز (میدیایەکی کوردییە لە یۆنان) لەهەواڵیکدا ئەمڕۆ بڵاویکردووەتەوە،”له‌ كه‌نار ئاوه‌كانی توركیاوه‌ یەختێکبە ٣٢ سەرنشینەوە به‌ڕێكه‌وتن به‌ره‌و ئیتاڵیا، به‌ڵام به‌هۆی ئه‌وه‌ی ماتۆڕی یه‌خته‌كه‌یان له‌ كار كه‌وتووە، كاپتنی یه‌خته‌كه‌ به‌ ڕه‌زامه‌ندی ته‌واوی كۆچبه‌ره‌كان، هه‌مووانی به‌ سه‌لامه‌تی به‌جێهێشتووە له‌ دورگه‌یه‌كی شاخاوی یۆناندا، له‌ ئێستادا كۆچبه‌ره‌كان له‌ دورگه‌کەن، هه‌موویان سه‌لامه‌تن، داوا ده‌كه‌ن هاوكاری بكرێن و دیپۆرتی توركیا نه‌كرێنه‌وه‌”.

سەبارەت بە سەرنشینەکانی یەختەکە، لە هەواڵەکەدا هاتووە،”له‌ناو كۆچبه‌ره‌كاندا ٤ منداڵی خوار ته‌مه‌ن ١٨ ساڵ هه‌ن سەرنشینانی یەختەکە خه‌ڵكی چه‌مچه‌ماڵ و سلێمانی و سه‌یدسادق و ڕانیەن”.

 

بابەتی پەیوەندیدار

Back to top button