لەکاتی دزیکردندا هەڵهاتن و ئۆتۆمبێلەکەیان وەرگەڕا
لڤین:
دوای ئەوەی دوو پیاو ئافرەتێک غازدەزن و بە ئۆتۆمبێل هەوڵی خۆ دەربازکردن دەدەن ئۆتۆمبێەکەیان وەردەگەڕێت و دەستگیر دەکرێن.
پۆلیسی گەرمیان بڵاویکردەوە، شەوی ڕابردوو لە ناحییەی ڕزگاری سەربەقەزای کەلار، دوو پیاو و ئافرەتێک بەئۆتۆمبێلی جۆری جێب واز دەڕۆنەلای ماڵی هاڵاتیەک کەپیشەی غاز فرۆشیە و ئۆتۆمبێلەکەی کە غازی بارکردوە لەپێش دەرگا ڕایگرتبوو چەندین غازیان دزیوە.
پۆلیس ئەوەشی ئاشکرا کردووە “لەوکاتەدا خاوەن ماڵەکە بەئاگادێت و تومەتباران هەڵدێن خاوەن ماڵیش خۆی بەئۆتۆمبێلەکەیاندا هەڵواسیوە بۆئەوەی هەڵنەیەن” بەڵام دوای ئازاردانی لەئۆتۆمبێلەکە فڕێی دەدەنە خوارەوە .
پۆلیس ئەوەشی راگەیاندووە “دوای ئەوەی بەخێرایی بۆسەر شەقامی کفری هەڵدێن ئۆتۆمبێلەکەیان وەردەگەڕێ و هەرسێ تۆمەتبار بریندار دەبن”.
راشیگەیاندووە یەکێک لەتۆمەتباران کەشۆفێربوە لەگەڵ خاوەنی ماڵەکە بەهۆی سەختی برینەکەیانەوە ڕەوانەی نەخۆشخانەی سلێمانی کراون، دوو تۆمەتبارەکەی دیکە کەیەکێکیان ئافرەتە لەبەشی فریاکەوتنی شەهید هەژار لەکەلار چارەسەریان بۆکراوە و بەبڕیاری دادوەر بەندکراون.
