لاھور شێخ جەنگی: بەڵێن دەدەین لەبەرەی گەل و کۆمەڵانی خەڵکی کوردستان بین

لڤین:

لاھور شێخ جەنگی، ڕایدەگەیەنێت، کلیلی چارەسەری کێشەکان تەنها و تەنها پەنابردنە بەر گفتوگۆ و گەڕانەوەیە بۆ دەستوری عێراق، دەشڵێت: بەڵێن دەدەین لەبەرەی گەل و کۆمەڵانی خەڵکی کوردستان بین.

لاھور شێخ جەنگی، هاوسەرۆکی یەکێتی نیشتیمانی کوردستان، بەبۆنەی تێپەڕبوونی ١٧ ساڵ بەسەر ڕۆژی مورافەعەكەی مام جەلال، کە تێدا لە ئەنجوومەنی حوكمی ئەو کاتەدا  نەخشەیەكی گەورەی سەردەمی دەوڵەتی عوسمانییەكانی لەبارەی كوردستانیبوونی كەركوكەوە خستەڕوو، پەیامێکی بڵاو کردەوە.

دەقی پەیامەکە:

ئەمڕۆ ١٧ ساڵ بەسەر ڕۆژی مورافەعە گەورەكەی سەرۆك مام جەلال لە ئەنجوومەنی حوكم تێپەڕ دەبێت، كە تێیدا بە بەڵگە و دۆكیۆمێنتی مێژوویی و  نەخشەیەكی گەورەی سەردەمی دەوڵەتی عوسمانییەكان، كوردستانیبوونی كەركوكی بۆ هەموو لایەك سەلماند و ڕایگەیاند کە هەرگیز سنووری عێراق لە جەبەل حەمرین تێنەپەڕیوە و سنووری كوردستانیش لە جەبەل حەمرینەوە دەستپێدەكات. لەم یادە مەزنەدا کە ڕۆژێکی مێژوییە بۆ کورد، دووپاتی دەکەینەوە کە کلیلی چارەسەری کێشەکان تەنها و تەنها پەنابردنە بەر گفتوگۆ و گەڕانەوەیە بۆ دەستوری عێراق. ئێمەش بەڵێن دەدەین لەبەرەی گەل و کۆمەڵانی خەڵکی کوردستان بین.

لاھور شێخ جەنگی

بابەتی پەیوەندیدار

Back to top button