زیاتر له‌ ٢ ملیار دینار بۆ چەند پرۆژەیەك لە باشیك خەرج دەکرێت

لڤین:

فه‌رمانگه‌ی میدیا و زانیاری، بەشێوەی نەختینە و قۆناغ بە قۆناغ بودجەیەک لە سەر بودجەی پارێزگای دهۆك ئه‌نجامدانی ژماره‌یه‌ك پڕۆژه‌ له‌ سنووری باشیك خه‌رجكرا.

له‌ راگه‌یه‌ندراوێكدا فه‌رمانگه‌ی میدیا و زانیاریی حكومه‌تی هه‌رێمی كوردستان، ئەمڕۆ ( یەک شەممە، ١٥ی ئابی ٢٠٢١ ) رایگه‌یاند،” له‌سه‌ر ره‌زامه‌ندی مه‌سرور بارزانی، سه‌رۆكی حكومه‌تی هه‌رێمی كوردستان، بڕی زیاتر له‌ 2 ملیار دینار بۆ ئه‌نجامدانی ژماره‌یه‌ك پڕۆژه‌ له‌ سنووری باشیك خه‌رجكرا”.

ده‌قی راگه‌یه‌ندراوەکە:

دوا بە دوای وەرگرتنی رەزامەندی مەسرور بارزانی، سەرۆکی حکومەتی هەرێمی کوردستان، بڕی ( 2 ملیار و 184 ملیۆن و 437 هەزار )دینار، بۆ ئەنجامدان چەند پرۆژەیەك لە باشیك خەرج کرا.

بودجەکە بەشێوەی نەختینە و قۆناغ بە قۆناغ لە سەر بودجەی پارێزگای دهۆك دەبێت و بۆ ئەم پرۆژانە به‌مشێوه‌یه‌ خەرج دەکرێت:

١-  چاککردنەوەی رێگای مغارا بۆ چیای باشیك، بە گوژمەی ١ ملیار و ٣٠٨ ملیۆن و ٨٥٠ هەزار دینار.

٢- گەیاندنی کارەبا بۆ میحوەری باشیك، بە گوژمەی ٧١١ ملیۆن و ٩٤٥ هەزار دینار.

٤-  راکێشانی ئاو بۆ سەنگەرەکانی پێشمەرگە، بە گوژمەی ١٦٢ ملیۆن و ٦٣٢ هەزار دینار.

فەرمانگەی میدیا و زانیاری حکومەتی هەرێمی کوردستان

١٥ ی ئاب ٢٠٢١

بابەتی پەیوەندیدار

Back to top button