نوێترین زانیاری سەبارەت بە چۆنیەتی کوشتنی موسا باباخانی بڵاوکرایەوە

لڤین:

ئاسایشى هەولێر، تۆمەتبارى سەرەکى پەیوەندى بەتینى لەگەڵ موسا باباخانى هەبووە، پاش ڕووداوەکە تۆمەتبار بە تاکسیەک چوەتە خانەقین و لەوێوە چوەتە ئێران.

حزبی دیموکراتی کوردستان ( حدک )  لە راگەیەنراوێکدا ڕۆژی ( شەممە، ٧ی ئایاری ٢٠٢١ ) بڵاویکردووەوە، رایگەیاند،” رۆژی پێنج شەممە موسا باباخانی ئەندامی کۆمیتەی ناوەندی حزبەکەیان لە شاری هەولێر لەلایەن دوو کەسی سەر بە ئێرانەوە رفێنراوە و رۆژی شەممە تەرمەکەی لە حاڵێکدا ئاسەواری ئەشکەنجەی قورسی پێوە دیاربووە لە ژووری هۆتێلێک لەو شارە دۆزراوەتەوە.”

ئەمڕۆ ( یەک شەممە، ١٥ی ئابی ٢٠٢١ )ئاسایش لە ڤیدیۆیەکدا ساتەوەختى پێش و پاش کوژرانى موسا باباخانى لەناو هۆتیلى گوڵى سلێمانى لە هەولێر بڵاوکردەوە و دەلێت تۆمەتبارى سەرەکى بەرەو ئێران هەڵهاتووە.

ئاماژە بەوەیشدراوە،” تۆمەتبارى سەرەکى پەیوەندى بەتینى لەگەڵ موسا باباخانى هەبووە و شەوى رووداوەکوە پێکەوە چونەتە ئوتیلەکە و دواتر پێکەوە چونەتە بازاڕ و گەڕاونەتەوە، دواتر تۆمەتبارى سەرەکى بەتەنها هۆتێلەکەى جێهێشتووە”.

ئاسایشی هەولێر ئاشکرای کردووە،” دواى رووداوەکە تۆمەتبارەکە تاکسییەک بەدوایدا چووە و چووەتە خانەقین و دواتریش چووەتە ئێران”.

بابەتی پەیوەندیدار

Back to top button