وەزارەتی پەروەردە: ١٠٠٪کتێبی نوێمان چاپکردووە
لڤین:
وه‌زاره‌تی په‌روه‌رده‌ی حکومەتی هه‌رێم سه‌باره‌ت به خوێندنی ساڵی نوێ دەڵێت بۆ ساڵی نوێ کتێبی خوێندن بەڕێژەی ١٠٠% چاپ کراوە و ئامادەیە بۆ دابەشکردن.
وەزارەتەکە نوسراوێکی بڵآو کردەوە کە رۆژی ٨ی ئەم مانگە ئالان حەمە سەعید وەزیری پەروەردە واژۆی کردووە تیایدا ئاماژە بەوە کراوە ” بۆ ساڵی خوێندنی ٢٠٢١ بۆ ٢٠٢٢ كتێبی خوێندن بە رێژەی ١٠٠% بۆ ناوەندەكانی خوێندن دابینكراوە لەسەر بنەمای داتا تۆماركراوەكانی سیستمی e-parwarda دابەش دەکرێت”.
ئەوەشی روونکردووەتەوە کە پەروەردەی قەزاکان بەرپرسن لە وەرگرتنەوەی کتێبەکان دوای تەواو بوونی ماوەی خوێندنی قەرەبووکراو.
