لیستی ناوی ١٤٥ زیندانی سیاسی بڵاو کرایەوە کە منحەیان بۆ خەرج دەکرێت

لڤین:

وەزارەتی كاروباری شەھیدان و ئەنفالكراوەكان لیستی ناوی قۆناغی سێیەمی ئەو زیندانییە سیاسیانەی کە منحەی مانگانەیان بۆ خەرج دەکرێت بڵاو دەكاتەوە، چەند خاڵكیش دیاریی دەكات بۆ ئەو كەسانەی كە مینحەكە دیانگرێتەوە.

ئەمڕۆ ( پێنجشەمە، ١٢ی ئابی ٢٠٢١ ) وەزارەتی شەهیدان و ئەنفالكراوان، لە ڕاگەیەندراوێکدا کە نوسراوێکی تێدایە و واژۆی عەبدوڵڵای حاجی مەحمود وەزیری كاروباری شەهیدانی لەسەرە لیستی ناوی ١٤٥ زیندانی و گیراوی سیاسی بڵاوكردەوە.

لە نوسراوەکەدا هاتووە،” دوا بەدوای فەرمانمان ژمارە ( ٧٥٧ ) لە رێكەوتی ( ١٢ / ٨ / ٢٠٢١ )  تایبەت بە خەرجكردنی منحەی ( ١٤٥ ) زیندانیكراو و گیراوی سیاسی وەك قۆناغی سێیەم، ئەو بەرێزانەی رێكارەكانی بایۆمەتری و بەڵێنامەی دادنووسیان تەواوكردووە لە كاتی ڕاگەیاندنی خشتەی مووچەی وەزارەتی كاروباری شەهیدان و ئەنفالكراوان سەردانی بانكی بێخاڵ بكەن لە هەولێر بە مەبەستی وەرگرتنی منحەی مانگی ئایار و حوزەیرانی ( ٢٠٢١ )”.

وەزارەتی شەهیدان و ئەنقالكراوان، بەپێویستی دەزانێت، ڕەچاوی ئەم خاڵانە بكرێت كە بریتین لە:-

١- ئەو بەرێزانەی كە ڕێكارەكانی بایۆمەتری و بەڵێننامەیان تەواو نەكردووە، دوای تەواو كردنی سەردانی بانكی ناوبراو بكەن.

٢-ئەو زیندانیانەی كۆچی دواییانكردووە وارسەكانیان ڕێكارەكانی بەرێوەبەرایەتی كاروباری زیندانییە سیاسییەكان تایبەت بە یاسای خانەنشینی بەركار تەواو بكەن دواتر سەردانی بانكی ناوبراو بكەن بۆ وەرگرتنی منحەكەیان.

بابەتی پەیوەندیدار

Back to top button