نوسینگەی ئەدهەم بارزانی لەبارەی موختارەکەی هەولێر رونکردنەوە دەدات
لڤین:
ئەدهەم بارزانى رونکردنەوە دەدات لەسەر بڵاوبوونەوەى وێنەیەکى لەگەڵ موختارەکەى هەولێر کە قسەی بەخەڵکی هەولیر وت و هێرشی کردە سەر رۆژنامەنووسان
نوسینگەى ئەدهەم بارزانى لەرونکردنەویەکدا لە بارەی وێنەیەکی لەگەڵ موختارە جنێودەر و هێرشبەرەکەی گەڕەکی باداوەی شاری هەولێر دەڵێت، ئەو کەسە وەکو هەزاران کەسی دیکە سەردانی ئەدهەم بارزانى کردووە و داوای وێنە گرتنى لێکردووە، ئەویش بەشێوەیەکی ئاسایی وێنەی لەگەڵ گرتووە.
نوسینگەکەی بارزانی دەشڵێت “ئەوەی ئاسایی نییە ئەوەیە، ئەو کەسە وێنەکە بڵاو دەکاتەوە و خەڵکی هەولێر بە درۆزن و ئاژاوەگێڕ ناو دەبات”.
ئەدهەم بارزانى کە ئێستا وەک پارتی مامەڵە ناکات جەختیکردووەتەوە، قسەکانیی سەرکۆنه دەکات، خەڵکی هەولێر زۆر لەوە گەورەترن، کە ئەو بەم شێوەیە وەسفیان دەکات.
