هەپەگە ناسنامەی ئەو گەریلایانەی ئاشکراکرد کە پاش گەیشتنیان بە گوندی بێخمە پەیوەندیان پچڕاوە

لڤین:

هەپەگە، پێش ئەوەی سنوری ئارامیمان تێپەڕێت‌، چاوەڕێ دەکەین کە پارتی لە زوتریین کاتدا و بێ ئەوەی کە زانیارییەکان پێچەوانە بکاتەوە زانیاریی متمانەپێکراو بڵاوبکاتەوە

ناوەندی ڕاگەیاندن و چاپەمەنیی هێزەكانی پاراستنی گەل (هەپەگە) ئەمڕۆ ( سێشەممە، ١٠ی ئایاری ٢٠٢١ ) لەراگەیەندراوێکدا بڵاویکردەوە، “ڕۆژی ( ٢٦ی تەمموز )، ڕامانگەیاندبو، کە پەیوەندییمان لەگەڵ گروپێکی گەریلامان لە گوندی بێخمە سەر بە شارەدێی خەلیفان پچڕاوە، ئێمە بانگەوازییمانکرد و سەردانی خانەوادەی ئەو گەریلایانەش بۆ زانینی چارەنوسیی ڕۆڵەکانیان تا ئێستا لەلایەن پەدەکەوە بێوەڵام ماوەتەوە”.

جێگەی ئاماژە پێدانە ٢٩ مانگی رابردو، هەپەگە لەراگەیەندراوێکدا داوای لە پارتی کردبو لەبارەی چارەنوسی ئەو سێ گەریلایەی رونکردنەوە بدات، هەروەها لە ڕاگەیەندراوەکەدا هاتبوو،” پێش ئەوەی سنوری ئارامیمان تێپەڕێت‌، چاوەڕێ دەکەین کە پارتی لە زوتریین کاتدا و بێ ئەوەی کە زانیارییەکان پێچەوانە بکاتەوە، سەبارەت بە چارەنوسی ئەو هەڤاڵانە، زانیاریی متمانەپێکراو بڵاوبکاتەوە”.

فه‌ریق جه‌مال ئیمینكی سوپاسالاری هێزی پێشمه‌رگه‌ی كوردستان، ( ٢٦ی تەمموز ) لە ڕاگەیەندراوێکدا ڕایگەیاند،” له‌ نێوان خه‌لیفان و بێخمه‌ ژماره‌یه‌ك گه‌ریلای په‌كه‌كه‌ ته‌قه‌یان له‌ بازگه‌یه‌كی پێشمه‌رگه‌ كردوه‌، هێزه‌كانی پێشمه‌رگه‌ش، له‌به‌رامبه‌ر وه‌ڵامی ته‌قه‌كانی گه‌ریلاكانی په‌كه‌كه‌یان داوه‌ته‌وه‌ و به‌گوێره‌ی زانیاریه‌ سه‌ره‌تاییه‌كانیش، له‌ئه‌نجامی ئه‌و روداوه‌ زیان هه‌یه‌”، بەڵام زیانەکانی ئاشکرا نەکردوە.