کارەبای بەشێک لەوانەی پێوەری زیرەکیان بەستووە دەبڕدرێت
لڤین:
وەزارەتی کارەبای حکومەتی هەرێمی کوردستان رایدەگەیەنێت ئەو کەسانەی بە سەرپێچی کارەبایان راکێشاوە و نەبوونەتە هاوبەشی کارەبا کارەباکەی دەبڕدرێت.
وەزارەتی کارەبا لە راگەیەندراوێکدا بڵاوی کردەوە “ئاگاداری ئەو شوێنانە دەکەینەوە کە بە سەرپێچی کارەبایان راکێشاوە و بە فەرمی نەبوونەتە ھاوبەشی کارەبا، بەڵام پێوەری زیرەکیان بۆ بەستراوە تا رۆژی 2021/8/18 دەرفەتیان ھەیە سەردانی فەرمانگەکانی کارەبا بکەن، بەپێچەوانەوە لە رێگەی سیستەمی پێوەری زیرەکەوە بە کلیکێک کارەباکەی دەبڕدرێت”.
وەزارەتی کارەبا ئاماژەی بەوەشکردووە “تەنیا ئەو شوێنانە دەگرێتەوە کە بە نایاسایی کارەبایان راکێشاوە و پێوەری پێشووی کارەبایان نییە، بەڵام پێوەرى زیرەکیان بۆ بەستراوە”.
