ناوەڕۆکی کۆبونەوەی مەکتەبی سیاسی یەکێتی چی بوو؟

لڤین:

دوای كۆبوونەوەی ئەمڕۆی مەكتەبی سیاسی یەكێتی راگەیەندراوێک بڵاو کرایەوە و تیایدا باس لەوە کراوە کە چەند تەوەرێكی بواری حزبی و هەڵبژاردنەكان تاووتوێكران.

بە گوێرەی راگەیەندراوەکە کۆبونەوەکە بەسەرپەرشتی بافڵ تاڵەبانی هاوسەرۆكی یەکێتی ئەنجام دراوە و تیایدا “وێڕای گفتوگۆی لەسەر چارەسەری بەپەلەو یەكێتییانەی گرفتە ناوخۆییە حزبییەكان و دیاریكردنی رێوشوێنی دروست بۆیان لەناویشیاندا پاراستنی ئارامی و هێمنی هەرێمی كوردستان بەشاری سلێمانیشەوە” کرا.

لە ابرەی کێشە ناوخۆییەکانی یەکێتیەوە هیچ زانیاریەک بآڵو نەکراوەتەوە و بەڵام زۆرینەی راگەیەندراوەکە باسی لە هەوڵەکان بۆ سەرخستنی هاوپەیمانی وکردستان کراوە.

راگەیەندراوەکە ئاماژەی بەوەکردووە تەئکید لەسەر بەگەڕخستنی توانای ماددی و مەعنەوی مەكتەب و دەزگاكانی یەكێتیی كراوەتەوە بۆ “بەرەو هەڵمەتێكی پڕ جۆش و خرۆشی پێكەوەیی و دیموكراتییانە بۆ سەرخستنی لیستی هاوپەیمانی كوردستان كە لیستی هاوبەشی بزوتنەوەی گۆڕان و یەكێتییە لە هەڵبژاردنی داهاتوی ئەنجومەنی نوێنەرانی عیراقدا”.

مەكتەبی سیاسی گشت مەكتەب و مەڵبەندەكان و ئۆرگانەكانی یەكێتیی راسپارد كە هاوشانی ئۆرگانەكانی بزوتنەوەی گۆڕانی هاوپەیمانی پەیوەستی میحوەرو بازنەكانی هەڵبژاردن بن، كە ئەركی هەرە لە پێشینەیانە بۆ سەرخستنی كاندیدەكانی هاوپەیمانی كوردستان لە هەموو بازنەكانی هەڵبژاردندا.

 

بابەتی پەیوەندیدار

Back to top button