کەرکوک: تۆڕێكی گەورەی تیرۆرستی دەستگیر كران

لڤین:

ئاژانسی هەواڵگری عێراق، دوای دەستگیركردنی تۆڕێكی گەورەی تیرۆرستی لە پارێزگای كەركوك، تۆرێكی گەورەی تر دەستگیر كران كە پلانی چەندین هێرشیان داڕشتبوو.


ئاژانسی هەواڵگری عێراقی، ئەمڕۆ ( سێ شەممە، ٣ی ئابی ٢٠٢١ ) لە بەیاننامەیەكدا بڵاویكردووەتەوە،” توانیان تۆڕێكی گەورەی تیرۆرستی لە پارێزگای ئەنبار ئاشكرا بكەن، كە نیازی ئەوەیان هەبووە چەندین هێرشی تیرۆرستی بكەنە سەر هێزە ئەمنییەكان و هاوڵاتیانی مەدەنی، و تۆڕەكە دەستگیر كراون.”

لە بەشێکی تری بەیاننامەکەدا رونیشكراوەتەوە،” ئەوەش دوای ئەوەدێت پێشتر تۆڕێكی گەورەی تر لە پارێزگای كەركوك دەستگیر كران كە بەرپرسیار بوون لە تەقینەوەكەی شاری سەدر.”

لە کۆتایی بەیاننامەکەدا ئاژانسەكە جەختی لەوەش كردووەتەوە،” بەپێی لێكۆڵینەوەكان ئەو تۆڕەی دەستگیر كراوە بەرپرسن لە بە ئامانج گرتنی كاروانەكانی سوپا و حەشدی شەعبی لەساڵی ٢٠١٨ و هەوڵیان داوە لە جەژنی قوربانی رابردووش چەندین هێرشی گەورە لە پرۆسەیەكدا بەناوی “داگیركاری جەژن” ئەنجام بدەن.”

بابەتی پەیوەندیدار

Back to top button