ئه‌مڕۆ دادگاییکردنی بەدەل بەرواریی و ئومێد بەرۆشکی بەڕێوەدەچێت
لڤین:
بڕیاره ئه‌مڕۆ لە دادگای هەولێر دووەم دانیشتنی دادگاییکردنی دوو چالاكوانی دیکەی دەستگیرکراوی بادینان ئومێد بەرۆشکی – ڕۆژنامەنووس و بەدەل بەرواریی – مامۆستا به‌ڕێوه‌بچێت.
بەپێی زانیارییەکان بریارە پرۆسەی دادگایی کردنەکە بە ئامادەبوونی کەسوکاری هەردوو چالاکوانەکە و ژمارەیەک چالاکوانی دیکە بەڕێوە دەچێت.
پێشتر بەشدار حەسەن، پارێزەری ئومێد بەرۆشکی، ڕایگەیاندبوو “لەسەر داوای پارێزەرانیان، دادگا ڕۆژی دادگاییکردنی ئومێد بەرۆشکی‌و مامۆستا بەدەل بەرواری لە (١٧/٨/٢٠٢١) بۆ (٢٩/٧/٢٠٢١) پێشخستووە”.
سەبارەت بەو ماددەیەی کە ئەو دووچالاکوانەی پێ تۆمەتبار کراون، پارێزەرەکە ئاشکرای کردبوو کە “ئەو دوو چالاکوانە بەهەمان ماددەی پێنج سزادراوەکەی تری بادینان دادگایی دەکرێن”.
پێشتر مامۆستا بەدەل بەرواریی و ئومێد بەرۆشکی لەگەڵ پێنج ڕۆژنامەنوس‌و چالاکوانانی بادینان لە (١٢/٢/٢٠٢١) برانە دادگا، بەڵام بەهۆی کەموکوڕیی لەدۆسییەکانیان پرۆسەی دادگاییەکە بەڕێوەنەچوو.
