مسعود بارزانی پەیامێکی بڵاوکردەوە

لڤین:

مسعود بارزانی، هەورامان ناوچەیەكی گرنگی كوردستانە، بە برێارەکەی ڕێكخراوی جیهانیی پەروەردەیی و زانستی و فەرهەنگیی سەر بە ڕێكخراوی نەتەوە یەكگرتووەكان زۆر خۆشحاڵم.

پاش ئەوەی دوێنی ( سێ شەممە، ٢٧ی تەمموزی ٢٠٢١ ) ڕێكخراوی جیهانیی پەروەردەیی و زانستی و فەرهەنگیی سەر بە ڕێكخراوی نەتەوە یەكگرتووەكان ( یونسکۆ ) هەورامانی ڕۆژهەڵاتی کوردستانی خستە لیستی شوێنەواری کەلوپەری مرۆڤایەتی، کاردانەوەی زۆری لێکەوتەوە بە جۆرێک بە دەستکەوتێکی زۆر گرنگ و بە بایەخ لێکدرایەوە بۆ کوردستان و هەورامان.

ئەمڕۆ ( چوار شەممە، ٢٨ی تەمموزی ٢٠٢١ ) بارەگای مسعود بارزانی لەوبارەیەوە پەیامێکی بڵاو کردەوە.

 

دەقی پەیامەکە:

بەناوی خودای بەخشندە و میهرەبان

بە بڕیاری ئەم دواییەی ڕێكخراوی جیهانیی پەروەردەیی و زانستی و فەرهەنگیی سەر بە ڕێكخراوی نەتەوە یەكگرتووەكان (یونسكۆ) زۆر خۆشحاڵم كە تێیدا ئەو بەشەی ناوچەی هەورامان كە كەوتووەتە ڕۆژهەڵاتی كوردستان، خراوەتە نێو لیستی شوێنەواری گرنگی مرۆڤایەتی.

هەورامان ناوچەیەكی گرنگی كوردستانە كە هەمیشە ڕۆڵی بەرچاوی لە فەرهەنگ و ئەدەب و مێژوو و شۆڕش و سیاسەت و بزاڤی ڕزگاریخوازی كوردستاندا هەبووە. بێگومان ئەو بڕیارەی یونسكۆش دەستكەوتێكی ترە بۆ خەڵكی كوردستان و ناوچەی هەورامان. بەم بۆنەوە پیرۆزبایی لە گەلی كوردستان و خەڵكی خۆشەویستی ناوچەی هەورامان دەكەم و هیوای ئارامی و پێشكەوتنی زیاتریان بۆ دەخوازم.

مسعود بارزانی

٢٨ـی تەمموزی ٢٠٢١

 

بابەتی پەیوەندیدار

Back to top button