عەلاوی لە بەشداریی هەڵبژاردن كشایەوە
لڤین:
هاوپەیمانی (مینبەری عێراقی) كە ئەیاد عەلاویی سەرۆكایەتی دەكات كشانەوەی لە بەشداریكردن لە هەڵبژاردنی پەرلەمانی عێراق ڕاگەیاند.
وائل عەبدوللـەتیف، جێگری سەرۆكی هاوپەیمانێتی مینبەری عێراقی لە كۆنگرەیەكی ڕۆژنامەوانیدا ڕایگەیاند: وەك مینبەری عێراقی هەڵوێستی ڕاست و ڕاشكاویی خۆمان بۆ كشانەوە و بایكۆتكردنی هەڵبژاردن ڕادەگەیەنن.
ئەو وتیشی: پێشبینی دەكەین ڕێژەیەكی كەمی جەماوەر بەشداری پرۆسەكە بكەن، ئەوەش خولێكی پەرلەمانی بێ توانای لێدەكەوێتەوه كە ناتوانێت ئەو ئەركە قورسە لەئەستۆ بگرێت و حكومەتێكی لاوازیشی لێدەكەوێتەوە.
کشانەوەی هاوپەیمانێتیەکەی ئەیاد عەلاوی لە دوای حزبی شیوعی و ره‌وتی سه‌درو به‌ره‌ی دیالۆگی نیشتمانی دێت کە کشانەوەی خۆیان لە هەڵبژاردن راگەیاندبوو.
