ژووری ئۆپەراسیۆنی ئیدارەی گەرمیان چەند بڕیارێکی ڕاگەیاند

لڤین:

ژووری ئۆپەراسیۆنی ئیدارەی گەرمیان، پێویستە فەرمانبەران ماسک ببەستن و ڕەچاوی دووری نێوانیان بکەن، هاوڵاتیانیش ماسک ببەستن و پەلە بکەن لە وەرگرتنی ڤاکسین.

ژووری ئۆپەراسیۆنی ئیدارەی گەرمیان، لەبارەی توند کردنەوەی ڕێکارەکانی خۆپارێزی لە بڵاوبوونەوەی ڤایرۆسی کۆرۆنا چەند بڕیارێکی نوێی ڕاگەیاند، و تێیدا هاتووە،” پێویستە سەرجەم فەرمانبەران و کارمەندان لە فەرمانگەکاندا بە بەستی ماسک و رەچاوکردنی دوری نێوانیان رێکارەکانی خۆپارێزی بگرنەبەر.”

دەقی ڕاگەیاندنەکە:

راگەیەندراوێک لە ژووری ئۆپەراسیۆنی ئیدارەی گەرمیانەوە

بەهۆی هەڵکشانی ئامارەکانی تووشبوون بە پەتای کۆرۆنا و چڕبوونەوەی زیاتری مەترسیەکانی ڤایرۆسی کۆرۆنا لەسەر هاوڵاتیان، ژووری ئۆپەراسیونی ئیدارەی گەرمیان ئەم بڕیارانەی لای خوارەوە دەردەکات و لە پێناو سەلامەتی هەمووان پێویستە جێبەجێ بکرێن..

١- بەپێی ئامارەکانی بەڕێوەبەرایەتی گشتی تەندروستی گەرمیان توشبوون بە پەتای کۆرۆنا و رێژەی مردن رووی لە زیادبوون کردووە، بۆیە ژووری ئۆپەراسیۆنی ئیدارەی گەرمیان داوا لە هاوڵاتیان دەکات رێکارەکانی خۆپارێزی بگرنەبەر و خۆیان بەدور بگرن لە شوێنە قەرەڵغەکان.

٢- پێویستە سەرجەم فەرمانبەران و کارمەندان لە فەرمانگەکاندا بە بەستی ماسک و رەچاوکردنی دوری نێوانیان رێکارەکانی خۆپارێزی بگرنەبەر و هاوڵاتیانیش لەکاتی سەردانیکردن بۆ فەرمانگەکان، دەبێت ماسک ببەستن بەپێچەوانەوە مامەڵکانیان رایی ناکرێت.

٣- داوا لە هاوڵاتیانی خۆشەویستی سنوری ئیدارەی گەرمیان دەکەین پەلە بکەن لە وەرگرتنی ڤاکسینی کۆرۆنا، ئەوەش لەپێناو پاراستنی خۆیان و دەوروبەریان لە توشبوون بە کۆرۆنا.

٤-  رۆژی یەکشەممە (٢٠٢١/٧/٢٥) تاقیکردنەوە وزارییەکان دەستپێدەکات، پێویستە لە هۆڵەکانی خوێندن خوێندکاران و مامۆستایان رێکارەکانی خۆپارێزی لە پەتای کۆرۆنا بگرنەبەر و بۆ ئەو مەبەستەش هەموو پێداویستیەکانی خۆپارێزی دابیندەکرێت.

ژووری ئۆپەراسیۆنی ئیدارەی گەرمیان

٢٠٢١/٧/٢٤

 

بابەتی پەیوەندیدار

Back to top button