ژووری ئۆپەراسیۆنی هەولێر چەند بڕیارێكی نوێی ڕاگەیاند

لڤین:

ژوری ئۆپه‌راسیۆنی پارێزگای هه‌ولێر، هیچ هاوڵاتییه‌ك بۆ ڕاییكردنی مامه‌ڵه‌كانی بۆی نییه‌ به‌بێ به‌ستنی ده‌مامك بچێته‌ نێو هیچ فه‌رمانگه‌ و داموده‌زگایه‌كی حكومی.

ژوری ئۆپه‌راسیۆنی پارێزگای هه‌ولێر، ئێوارەی ئەمڕۆ ( شەممە، ٢٤ی تەمووزی ٢٠٢١ ) له‌راگه‌یه‌ندراوێكدا کۆمەڵێک بڕیاری نوێی بۆ توند کردنەوەی ڕیکارەکانی خۆپارێزی لە کۆرۆنا بڵاوکردەوە و رایگه‌یاند،” به‌هۆی هه‌ستیاری و مه‌ترسیداری هه‌ڵكشان و ته‌شه‌نه‌سه‌ندنی زنجیره‌ی نوێی ڤایرۆسی كۆرۆنا و زیادبونی مه‌ترسیه‌كانی ڕۆژ دوای ڕۆژ بۆ سه‌رگیانی هاوڵاتیان و له‌پێناو پاراستنی ته‌ندروستی و سه‌لامه‌تی گشتیی شاره‌كه‌مان، ژوری ئۆپه‌راسیۆنی پارێزگای هه‌ولێر، ژماره‌یه‌ك بڕیاری بۆ سه‌رجه‌م دامه‌زراوه‌ و فه‌رمانگه‌ و به‌ڕێوه‌به‌رایه‌تییه‌ حكومییه‌كان و فه‌رمانبه‌رانی سنوری پارێزگاكه‌ ده‌ركردوه‌.”

هەروەها ئه‌وه‌شی خستوەتەڕو،” ده‌بێت سه‌رجه‌م فه‌رمانگه‌ و به‌ڕێوه‌به‌رایه‌تییه‌كان و فه‌رمانبه‌رانی سنوری پارێزگای هه‌ولێر، ته‌واوی مه‌رجه‌ ته‌ندروستییه‌كان و ڕێكاره‌كانی خۆپارێزی جێبه‌جێبكه‌ن، به‌تایبه‌تی به‌ستنی ده‌مامك و دروستنه‌كردنی گردبونه‌وه‌ و قه‌ره‌باڵغی، هیچ هاوڵاتییه‌ك بۆ ڕاییكردنی مامه‌ڵه‌كانی بۆی نییه‌ به‌بێ به‌ستنی ده‌مامك بچێته‌ نێو هیچ فه‌رمانگه‌ و داموده‌زگایه‌كی حكومی، هه‌ر به‌ڕێوه‌به‌رایه‌تی و فه‌رمانگه‌یه‌ك و فه‌رمانبه‌رێك سه‌رپێچی له‌و بڕیاره‌ بكات، به‌ڕێوه‌به‌ر و به‌رپرسانی ئه‌و فه‌رمانگه‌یه‌ به‌رپرسیارن.”

ژوری ئۆپه‌راسیۆنی پارێزگای هه‌ولێر باسی له‌وه‌شكرد، “بەیانی یەکشەمە ٢٠٢١.٧.٢٥، یەکەم ڕۆژی دەوامکردنی فەرمانبەرانە دوای پشووی ڕۆژانی جەژن، بەھەموو شێوەیەک سەردانیکردنی فەرمانگە و بەڕێوەبەرایەتییە گشتییەکان بۆ مەبەستی پیرۆزبایی جەژن و ڕێکخستنی مەراسیمی تایبەت بە جەژنە پیرۆزە قەدەغە، بەپێچەوانەوە ھەر بەڕێوەبەرایەتی و فەرمانگەیەک و فەرمانبەرێک سەرپێچی لەو بڕیارە بکات، بەڕێوەبەر و بەرپرسانی ئەو فەرمانگەیە بەرپرسیارن.”

جێگەی ئاماژە پێدانە پاش نیوەڕۆی ئەمرۆ،لیژنەی باڵای ئۆپراسیۆنەکانی پارێزگای سلێمانی دوای کۆبونەوەی لە بارەی دۆخی بڵاوبونەوەی کۆرۆنا چەند بڕیارێکی دەرکرد، بۆ خوێندنەوەی بڕیارەکەن سەردانی ئێرەبکە.