مەسرور بارزانی: 

ساڵی ڕابردوو زیاتر لە 60 ملیۆن دۆلار وەبەرھێنانمان لەسندوقی شێرپەنجە کردووە

لڤین:

سەرۆكی حكومەتی هەرێمی كوردستان رایگەیاند، ساڵی رابردوو بەبڕی زیاتر لە 60 ملیۆن دۆلار لە ڕێوەبەرهێنانەوە پشتیوانی سندوقی شێرپەنجەیانكردووە.

مەسرور بارزانی، لە ڕۆژی جیهانی شێرپەنجەدا، پەیامێكی بڵاوكردەوە و رایگەیاند، ئەو كەسانەیان لە یادە كە‌ لەگەڵ ئەم نەخۆشیەدا دەجەنگن و ئەوانەش كە بەو هۆیەوە گیانیان لەدەستداوە.

ئەو وتیشی: حكومەتی هەرێمی كوردستان پابەندە بە پێشكەشكردنی ئەو یارمەتییانەی پێویستن بۆ ئەو كەسانەی نەخۆشی شێرپەنجەیان هەیە، ساڵی ڕابردوو بەبڕی زیاتر لە 60 ملیۆن دۆلار وەبەرهێنانمان كردووە لە سندوقی شێرپەنجەی حكومەتی هەرێمی كوردستان ‌ بۆ دابینكردنی ئەو سەرچاوانەی پێویستن بۆ تیمەكانی پزیشكی تاكو چارەسەری شێرپەنجەی پێبكەن، وێڕای دروستكردنی بنكە و سەنتەری پێشكەوتوو و دەستەبەركردنی كەلوپەل و دەرمان.

ئاماژەی بەوەشكردوە، دەزانن تووشبووانی شێرپەنجە پێویستییان بە پشتیوانی ھەمەلایەنە هەیە، بۆیە لەم سەنتەرەدا خزمەتگوزاریی تەندروستی بێ بەرامبەرە و نەخۆشەكانی ناوچەكانی تری عێراقیشی تێدا چارەسەر دەكرێن. لە كاتی پێویستیشدا یارمەتی ماددی پێشكەشی نەخۆشان دەكرێت.

بابەتی پەیوەندیدار

Back to top button