هەرکەسێک پشکنینی کۆرۆنای ئەنجام نەدابێت لەلایەن ئێرانەوە دەگەڕێنریتەوە

لڤین:

لە ڕاگەیاندنی دەروازەی نیودەوڵەتی حاجی ئۆمەران هاتووە کە هەر هاوڵاتیەک سەردانی ئێران بکات و پشکنینی کۆرۆنای پێنەبیت ناتوانێت گەشت بکات و دەوڵاتی ئێران ڕێگەی پێنادات.

راگەیاندن و پەیوەندییەکانی دەروازەی نێودەوڵەتی حاجی ئۆمەران رایگەیاند،ئاگاداری هەمو هاوڵاتیان و گەشتیارانی بەرێزو خۆشەویستی هەرێمی کوردستان دەکەین، ئەوانەی کە بە نیازن لەڕێگەی دەروازەی نێودەوڵەتی حاجی ئۆمەرانەوە گەشت و سەردانی کۆماری ئیسلامی ئێران بکەن، پێویستە بڕوانامەی پشکنینی کۆرۆنا (ئەنجامی نێگەتیف) لەگەڵیان دابێت.

بەپێچەوانەوە هەر هاوڵاتی یان گەشتیارێک بڕوانامەی پشکنینی کۆرۆنای لە گەڵدا نەبێت، دەوڵەتی ئێران ڕێگایان پێنادات سەردانی ئێران بکەن و دەگەڕێندرێنەوە.

 

 

بابەتی پەیوەندیدار

Back to top button