وەزارەتی دارایی روونکردەنەوەیەکی بڵاوکردەوە
لڤین:
وەزارەتی دارایی و ئابوریی رایگەیاند، وەزارەتی دارایی بە پێی یاسا دەسەڵاتی هەڵوەشاندنەوەی هیچ جۆرە بڕوانامەیەكی نییە.
وەزارەتەکە لە روونکردنەوەیەکدا دەڵێت: پاڵپشت بە یاسای چاكسازی و لە موچە و دەڕماڵە بە ژمارە (2) ساڵی 2020 و بە نوسراوی (ئەنجومەنی وەزیران- سەرۆكایەتی دیوانی ئەنجومەنی وەزیران) بە ژمارە (2874) كە بەرواری 7/3/2021 ئاراستەی وەزارەتی دارایی و ئابوری كردووە باس لە چاوخشاندن بەسەرجەم موچە و دەڕماڵەی بەخشین و ئیمتیازاتەكانی فەرمانبەران دەكات، بەو پێیە وەزارەتی ئابوری بە گشتاندنی ژمارە (7) بۆ گشت وەزارەت و فەرمانگەكانی نەبەستراو بە وەزارەت گشتاندنی دەركردووە.
وەزارەتەکە روونیکردووەتەوە “گشتاندنەكە ئەو فەرمانبەرانە دەگرێتەوە كە خوێندنی بەیانیان یان لە دەرەوەی وڵات بە بێ مۆڵەتی خوێندن بە دەر لە یاسا و ڕێنمایە بەركارەكان. بڕوانامەیان بە دەست هێناوە”.
وەزارەتی دارایی ئاماژەی بەوە کردووە ئەوان ئەو دەسەڵاتەیان نییە بڕوانامە هەڵبوەشێننەوە و دەشڵێت: هەموار كردنەوەی بڕوانامەی ئەوانەی ئاماژەیان پێدراوە لێكەوتە داراییەكانی هەمواركردنی بڕوانامەكانیان هەڵدەوەشێتەوە.
ئەوەشی روونکردووەتەوە ” لە ڕۆژانی داهاتوو ڕوونكردنەوەی یاسایی تایبەت بەو بڕیارە لە ئەنجومەنی وەزیرانەوە بە فەرمی دەردەچێت”.
