ژمارەیەک پرۆژە لە دهۆك جێبەجێ دەكرێن

لڤین:

ژمارەیەک پرۆژە بە گوژمەی زیاتر لە 379 ملیۆن دینار لە شاری دهۆك جێبەجێ دەكرێن.

فەرمانگەی میدیا و زانیاری لە حکومەتی هەرێمی کوردستان بڵاویکردەوە کە ھەشت پرۆژە بە گوژمەی (379,600,000) ملیۆن دینار لەسەر داهاتی 15%ـی شارەوانییەكان و 100%ـی فرۆشتنی زەوی بۆ ساڵی 2021 لە سنووری سەرۆكایەتیی شارەوانیی دهۆك جێبەجێ دەكرێن و پرۆژەکانیش بریتین لە:

  • دروستكردن و كۆنكرێتكردنی چەند شەقامێك لە گەڕەكی شندوخا.
  • دروستكردن و قیرتاوكردنی دوو شەقام لە كەرتی 45 ماسیك، قۆناغی دووەم.
  • دروستكردنی باخچەیێک لە كەرتی 76 شندوخا لە ڕۆژهەڵات.
  • نۆژەنكردنەوەی شەقام، شاخكێ.
  • دروستكردن و كۆنكرێتكردنی چەند شەقامێك لە گەڕەكی بەروشكێ.
  • دروستكردن و قیرتاوكردنی دوو شەقام لە كەرتی 45 ماسیك، قۆناغی یەكەم.
  • دروستكردنی باخچە لە كەرتی 45 ماسیك، نزیك قوتابخانەی سەردەم.
  • نۆژەنكردنەوەی شەقام لە شاری دهۆك.

فەرمانگەکە ئاماژەی بۆ ئەوەش کردووەکە “جێبەجێكردنی ئەو پرۆژانە كاریگەری راستەوخۆیان لەسەر پەرەپێدانی پرۆژەكان و بووژانەوەی سێكتەرە خزمەتگوزارییەكانی شاری دهۆك دەبێت”.

 

بابەتی پەیوەندیدار

Back to top button