له‌ڕووداوێکی هاتووچۆدا حه‌وت كه‌س گیانیان لەدەستدا و برینداربوون
لڤین:
لەئەنجامی ڕووداوێکی هاتووچۆ لەسەر ڕێگای کەرکوک – سلێمانی لەنزیک گوندی چیمەن حەوت کەس گیانیان لەدەستدا و برینداربوون کە یەکێکیان منداڵە.
ڕووداوەکە بەیانی ئەمڕۆ ڕوویداوە و ئۆتۆمبێلێکی جۆری تۆیۆتا کرۆلا بەهۆی تیژڕەوییەوە کۆنتڕۆڵی لەدەستداوە و وەرگەڕاوە و لە ئەنجامدا سێ کەس کە یەکێکیان منداڵ بووە گیانیان لەدەستداوە و چوار کەسی دیکەش برینداربوون.
دوای ڕووداوەکەش بریندارەکان ڕەوانەی نەخۆشخانەی ئازادی لە شاری کەرکوک، کراون و پەراوی لێکۆڵینەوەش بۆ ڕووداوەکە کراوەتەوە.
