بنکەی سەربازی عەین ئەسەد کرایە ئامانج

لڤین:

هاوپەیمانێتی نێودەوڵەتی ، دوای نیوەڕۆی ئەمڕۆ، هێزە بیانییەکان لەبنکەی سەربازی عەین ئەسەد لەڕێگەی سێ موشەکی جۆری کاتیوشاوە کراونەتە ئامانج و هیچ زیانێکی گیانی نەبووە.

واین مارتۆ وتەبێژی هاوپەیمانێتی نێودەوڵەتی لەعێراق و سوریا، لە ڕاگەیەندراوەێکدا ئەمڕۆ ( دووشەممە، ٥ی تەمووزی ٢٠٢١ ) ڕایگەیاند،” کاتژمێر ٢:٤٥ دوای نیوەڕۆی ئەمڕۆ، بنکەی سەربازی عەین ئەسد بەسێ موشەکی جۆری کاتیۆشا کرابە ئامانج.”

وتیىشى،” موشەکەکان لە دەوروبەری بنکەکەدا کەوتوونەتە خوارەوە، هێرشەکەش زیانی گیانی نەبووە، لەئێستادا هەوڵەکان چڕکراوەنەتەوە بۆهەڵسەنگاندنی زیان مادییەکان.”

جێگەی ئاماژە پێدانە، بنکەی سەربازیی عەین ئەسەد، دەکەوێتە پارێزگای ئەنبارلەخۆرئاوای عێراق، به‌ گه‌وره‌ترین بنكه‌ی سه‌ربازی سوپای ئەمەریکا له‌عێراق و خۆرهەڵاتی ناوەڕاست دادەنرێت.