لە رۆژهەڵاتی کوردستان سێ کەس لە سێدارە دران
لڤین:
سزای سێدارەی دوو برای خەڵکی سەڵماس و هاوڵاتییەکی خەڵکی مەهاباد لە بەندیخانەی ناوەندیی ئورمیەی ئێران جێبەجێ کرا.
ڕێکخراوی مافی مرۆڤی هەنگاو بڵاویکردەوە، بەرەبەیانی ئەمڕۆ یەکشەممە سزای سێدارەی دوو برای کوردی خەڵکی سەڵماس بە ناوەکانی داود قاسم زاده و بەهائەدین قاسم زاده لە بەندیخانەی ناوەندیی ئورمیە جێبەجێ کرا.
بە گوێرتەی هەواڵی رێکخراوەکە ئەو دوو برایە ساڵی ٢٠٠٩ بە تۆمەتی کوشتنی دوو کەسی دیکە دەستبەسەر کاربوون و دواتر سزای سێدارەیان بە سەردا سەپێندرا.
هاوکات هەر بەیانی ئەمڕۆ سزای سێدارەی ئەنوەر عەبدوڵڵاهی، خەڵکی مەهاباد جێبەجێ کراوە کە بە تۆمەتی کوشتنی ئەنقەست سزای سێدارەی بە سەردا سەپابوو.
