لەبارەی کێشەی ئاوی چەمچەماڵ هۆشداری دەدرێتە کاربەدەستانی هەرێم

لڤین:

شێخ نەهرۆ كەسنەزانی سەرۆكی تەریقەتی كەسنەزانی لەجیهان، دەسەڵاتداران بەبێ‌ میللەت هیچ سەنگێكیان نیە بۆیە داوا لەكاربەدەستانی هەرێمی كوردستان دەکەن “جدی” بن لەكارەكانیاندا بۆ خەڵكی كوردستان و  كێشەی بێ‌ ئاویی و وشكەساڵی لەهەرێمی كوردستان بەتایبەتی لە گەرمیان و چەمچەماڵ چارەسەربكەن.

نوسینگەی شێخ نەهرۆ سەرۆكی تەریقەتی كەسنەزانی لەجیهان، لە ڕاگەیەندراوێکدا ئاماژەی بەوەداوە کە،” لەدانیشتنێكدا لە تەكیەی سەرەكی كەسنەزانی لەسلێمانی سەرۆکی تەریقەتی کەسنەزانی داوایكردوە كێشەی بێ‌ ئاویی و وشكەساڵی لەهەرێمی كوردستان بەتایبەتی لە گەرمیان و چەمچەماڵ چارەسەربكرێت.”

ئاماژەی بەوەشكردوە،” دەبێت هەوڵبدرێت كێشەی وشكەساڵی چارەسەربكرێت تاوەكو نەبێتە هۆی دروستبونی برسێتی لە هەرێمی كوردستان، چونکە ( هەرێم خۆی لەسەر لایە و ئەم كێشەیەش چارەسەرنەكات ئەوەندەی تر هاوسەنگیەكەی دادەچێت ).”

ئامژە بەوەیش دراوە کە داواشیكردوە،” پەرە بە پڕۆژە ئاویەكان بدرێت و جوتیاران و خەڵكی هەرێم لە زەرەوزیانی وشكەساڵی بپارێزن و چارەسەرەكانیشی خستەڕوو ، “ستایشی خەڵكی چەمچەماڵیشی كرد و بەشۆڕشگێڕ وەسفی كردن”.

لە کۆتایدا هاتووە،”ئەگەر سنوری میللەتی كورد ببەزێنرێت ئەوانیش زوڵم و زۆر و زۆرداری قبوڵ ناكەن و هەندێك لایەنی بەرپرس رێگرن لە گەیشتنی ئاو بە چەمەچەماڵ و گەرمیان، داواشیكرد كەسانێك بەرپرسیارێتی بگرنە دەست دڵیان لەگەڵ میللەتەكەیان بێت، نەك چاویان لەسەر پارەی میللەتەكەیان بێت”.

بابەتی پەیوەندیدار

Back to top button