دوو ناحیەی سنوری سلێمانی كرانە قەزا
لڤین:
ئەنجومەنی پارێزگای سلێمانی بەکۆی دەنگ دوو ناحیەی سنووری پارێزگاکەی کردە قەزا.
ئەمڕۆ ئەنجومەنی پارێزگای سلێمانی کۆبووەوە و بەكۆی دەنگی ئەندامانی ئەنجومەن، بڕیاریدا هەردوو ناحیەی حاجیاوە و بازیان بکاتە قەزا.
ئازاد محەمەد ئەمین، سەرۆکی ئەنجومونی پارێزگای سلێمانی دوای کۆبوونەوەکە، ڕایگەیاند: بە زۆرینەی دەنگ بڕیاری بە ناحیە (شارەدێ)کردنی بازیان و حاجیاوە درا و وتیشی: بڕیارەكە هەموو ڕێكارە كارگێڕی و یاساییەكانی بڕیووە و پیرۆزبایی لە دانیشتوانی ئەو دوو قەزایە دەكەین، داواشی لە وەزارەتی ناوخۆ کرد بڕیارەکە قبوڵ بکات.
ناحیەی بازیان، پێشتر سەر بە قەزای ناوەندیی سلێمانی بوو و شارەدێی حاجیاوەش سەربە ئیدارەی راپەڕین بوون و ئێستا دەبنە قەزا لە پارێزگای سلێمانی.
