هاوڵاتیانی سنوری قەزای دوکان دووبارە دەستیان بە خۆپیشاندان کردەوە
لڤین:
ئەمڕۆ جارێکی دیکە دانیشتوانی ژمارەیەك لە گوندەكانی سەر بە قەزای دوكان دەستیان بە خۆپیشاندان كردووە و ڕێگای سەرەكی سلێمانی – دوكانیان داخستەوە.
هاوڵاتیانی ئەو گوندانە بەهۆی كەمی كارەبا و نەبوونی خزمەتگوزارییەكانەوە خۆپیشاندانیان دەستپێكردووە و ئاماژە بۆ ئەوە دەكەن تاكو داواكارییەكانیان جێبەجێ نەكرێت، بەردەوام دەبن لە خۆپیشاندان و ڕێگاكە ناكەنەوە.
دوێنێش هاوڵاتیانی ئەو گوندانە خۆپیشاندنی ناڕازەیەتیان بۆ هەمان مەبەست ئەنجامدا و بۆ ماوەی چەند کاتژمێرێک ڕێگای سەرەكی سلێمانی – دوكانیان داخست.
