رێکخراوی جاسەنە داوای ئازادکردنی سزادوانی بادینان لە سەرۆکی هەرێم دەکات

لڤین:

ڕێکخراوى جاسەنە بۆ ئازادى و بیروڕا و میدیا لەبارەى بڕیارەکەى دادگاى پێداچوونەوەى هەرێم دەرهەق بە دەستگیرکراوانى بادینان راگەیەندراوێکى بڵاوکردەوە وبە حوکمێکی ناڕەوای دەزانێت.

لە راگەیەندراوێکدا کە ڕێکخراوى جاسەنە بۆ ئازادى و بیروڕا و میدیا ئاراستەى ڕێکخراوى نەتەوە یەکگرتووەکان و باڵیۆزخانە و کونسوڵخانەى وڵاتان و رێکخراوە نێودەوڵەتییەکانى بوارى مافەکانى مرۆڤى کردووە دەڵێت “دەسەڵاتدارانی هەرێمی كوردستان، بەبێ گوێدانە پرەنسیپەكانی ئازادی‌ و مافەكانی مرۆڤ، هەنگاوە ستەمكارییەكانیان بەرامبەر بە رۆژنامەنووسان و چالاکوانان زیاتر و زیاتر دەبێت”.

رێکخراوەکە داوا لە نێچیرڤان بارزانى، سەرۆکى هەرێمى کوردستان دەکات دەسەڵاتی خۆی بەكاربهێنێت و “وەفاداربێت بەرامبەر لێدوانەکانی پێشووی خۆی لەسەر ئەم کەیسە و بڕیاری لێبوردنی تایبەت بۆ حوكمدراوەکانی بادینان دەربکات”.

 

دەقى راگەیەندراوەکە:

بەیاننامەی رێکخراوی جاسەنە بۆ ئازادی بیروڕا و میدیا دەربارەی سەپاندنی شەش ساڵ زیندانی بەسەر گیراوەکانی بادینان..

 

بۆ:

– رێكخراوی نەتەوەیەكگرتووەكان

– باڵوێزخانەو قونسڵخانەی وڵاتان لە عێراق و هەرێمی

کوردستان

– رێكخراوەكانی نێودەوڵەتیەكانی بواری مافەكانی

مرۆڤ و ئازادی رادەربڕین

– رێكخراوە جەماوەری‌و ناحكومیەكان‌ و میدیاییەكان

بابەت..

راگەیەنراوی ناڕەزایی دەربڕین

ئەگەرچی، سەرجەم جاڕنامە‌ و رێكەوتننامە جیهانی ‌و نێودەوڵەتی ‌و هەرێمایەتیەكان ‌و دەستووری عیراق ‌و

یاسا بەركارەكانی هەرێمی كوردستان، بە ماددە ‌و بڕگەی تایبەت جەختیان لەسەر ئەوە كردووەتەوە كە

هەموو كەسێك مافی پەیڕەوكردنی ئازادی رادەربڕن‌ و گوزارشتكردنی هەیە.

 

سەرباری ئەمانەش، بەردەوام ڕاپۆرتی ڕێكخراوە نێودەوڵەتیەكانی تایبەت بە مافی مرۆڤ‌ و ئازادی

رادەربڕین، جەخت لەسەر چاککردن و کەمکردنەوەی پێشێلكارییە یاساییەكانی دژ بە ڕۆژنامەنوسان ‌و

ئازایخوازان دەكەنەوە، بەڵام دەسەڵاتدارانی هەرێمی كوردستان، بەبێ گوێدانە پرەنسیپەكانی ئازدای‌ و

مافەكانی مرۆڤ، هەنگاوە ستەمكارییەكانیان بەرامبەر بە رۆژنامەنووسان و چالاکوانان زیاتر و زیاتر دەبێت ‌و

ئەویش بە دەستگیركردن‌و لە زیندان توندكردن ‌و سەپاندنی حوكمی ناڕەوا بەسەریاندا کە دوورە لە هەموو

یاسا و رێسا ناوخۆیی ‌و نێودەوڵەتیەكان.

 

ئازادیخوازان، بەرگریكارانی مافەكانی مرۆڤ سەرئەنجام دەسەڵاتدارانی هەرێمی كوردستان، بەبێ

گوێدانی فشارە ناوخۆیی ‌و نێودەوڵەتیەكان، لەڕێی دادگاكانەوە، حوكمدانی ناداپەوەرانە ‌و ستەمكارانەی

خۆیان بەسەر بەندكراوانی ئازادیخوازی بادیناندا دووپاتکردەوە. ئەمەش گومانەكانی لەسەر نا

دیموكراسیەت و هەوڵەكانی سنورداركردنی ئازادی ڕادەربرین لە هەرێم تۆختركردووە.

 

هەر بۆیە، ئەم هەنگاوەی دادگاكانی هەرێمی كوردستان، بە ئامانجێكی سیاسی ‌و هەوڵێكی دیكەیە بۆ خنكاندنی ئازادی‌و بەرتەسککردنەوەی ئەو پەراوێزە دیموکراسییەی لە هەرێمی کوردستاندا هەیە، لەم راونگەیەوە داوا لە

نەتەوەیەكگرتووەكان‌ و رێكخراوە نێودەوڵەتیەكانی مافی مرۆڤ‌ و ئازادی رادەربڕین دەكەین، لەبەرامبەر ئەم

بڕیارە ستەمكارانە ‌و نادادپەروەرانەی دەسەڵاتدارانی هەرێمی كوردستان دەرهەق بە ئازادیخوازان بێدەنگ

نەبن‌ و فشاری لێبڕاوانە بكەن بۆ ئازادكردنی حوكمدراوانی بادینان.

 

هەر وەك داوا لە نێچیرڤان بارزانی سەرۆكی هەرێمی كوردستان دەكەین، كە دەسەڵاتی خۆی بەكاربهێنێت وەفاداربێت بەرامبەر لێدوانەکانی پێشووی خۆی لەسەر ئەم کەیسە و بڕیاری لێبوردنی تایبەت بۆ حوكمدراوەکانی بادینان دەربکات، تاوەكو چیتر ناوناوبانگی هەرێمی كوردستان لەرووی پێشێلكاری‌ و دیموكراسی‌و پرەنسیپەكانی ئازادی مافی مرۆڤ لەكەدارتر نەبێت‌.

 

لە روانگەی هەستکردن بەرپرسیارێتیی و کاری پیشەیی رێکخراوەیمانەوە دەمانەوێت رای گشتی خەڵکی

کوردستان و هەموو لایەک ئاگاداربکەینەوە کە کۆی دۆسیەی گیراوەکانی بادینان و ئەو مامەڵەیەی دەسەڵاتی

سیاسی و دادگاکان لەگەڵ ئەم کەیسەدا کردیان و سەرنجامی کۆی دۆسیەکە:

 

– شكۆی دادگاكان‌و سەرورەیی یاسای لە هەرێمی كوردستان خستەژێر پرسیاری گەورەوە.

 

– هەروەها کۆی دۆسیەکە بووە مایەی بێ بەها كردنی ئەو یاسایانەی كە لە هەرێم بەركارن‌ و تاڕادەیەك

ئازدای رادەربڕین‌ و رۆژنامەوانیان فەراهەم كردووە.

 

رێكخراوی جاسەنە

28-6-2021

 



Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4

Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6

Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7

Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21

Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22

Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21

بابەتی پەیوەندیدار

Back to top button