لەبارەی ڕووداوەکەی بازگەی بان مەقان ڕوونکردنەوە دەدرێت

لڤین:

پاش ئەوەی سەرلەبەیانی ئەمڕۆ لە بازگەی بانی مەقان هاووڵاتیەک کە پیشەی ئاسایشی بووە بە فیشەکێک کۆتایی بە ژیانی خۆی هێنا، بەڕێوەبەرایەتی ئاسایشی ڕۆژئاوایی سلێمانی، ڕوونکردنەوەیەکی بڵاو کردەوە، ئاماژەی بەوەداوە،” ڕووداوەکە خۆکوژیی بووە و ئەو چەکەیشی کە کارەکەی پێ ئەنجامداوە خاوەنداریەتی دەگەڕێتەوە بۆ خۆی”.

دەقی ڕوونکردنەوەکە:

ڕونکردنەوەیەک بۆ ڕایگشتی و سەرجەم کەناڵەکانی ڕاگەیاندن

بەداخەوە ڕۆژی دووشەممە (۲٨_٦_٢٠٢١) کاتژمێر( ۱۰:۲٥)خولەکی بەیانی کۆمیسەری پلە شەش (فەرهاد سەلاح مستەفا) کارمەندی بەڕێوەبەرایەتیمان لەبازگەی ئاسایشی بان مەقان لەنزیک بازگەکە کۆتای بەژیانی خۆی هێنا.

سەبارەت بەڕوداوەکە خۆکوژی بووەو ناوبراو مۆڵەتی ئاسایی بوەو لەئەرکدا نەبوە ، ئەوچەکەشی کەخۆی پێکوشتوە خاوەنداریەتیەکەی دەگەڕێتەوە بۆ کارمەندەکەو میلاکی بەڕێوەبەرایەتی ئاسایشی ڕۆژئاوایی سلێمانی نیە.

لەبارەیی هۆکارو چۆنێتی خۆکوشتنەکەی ؟ بەفەرمانی بەڕێز دادوەری دادگەیی لێکۆڵینەوەی چەمچەماڵ لەپۆلیس پەڕاوی لێکۆڵینەوەی بۆ کراوەتەوە لێکۆڵینەوە لەو بارەیەوە بەردەوامە ناوبراو دانیشتوی شاری کەرکوکە و خێزاندارەو موالیدی( ۱۹۷۷)ە

بەڕێوەبەرایەتی ئاسایشی ڕۆژئاوایی سلێمانی

ڕاگەیاندن و پەیوەندیەکان

بابەتی پەیوەندیدار

Back to top button